കരിന്തളം കീഴ്മാല പുതിയസ്ഥാനം ശ്രീ പൂമാല ഭഗവതി ക്ഷേത്രം പുന:പ്രതിഷ്ഠ ബ്രഹ്മ കലശ മഹോത്സവത്തിന് കലവറ നിറക്കൽ ഘോഷയാത്രയോടെ ഭക്തി നിർഭരമായ തുടക്കം.

കരിന്തളം: കീഴ്മാല പുതിയ സ്ഥാനം ശ്രീ പൂമാല ഭഗവതി ക്ഷേത്രം പുന: പ്രതിഷ്ഠ ബ്രഹ്മ കലശ മഹോത്സവത്തിന് ഭക്തി നിർഭരമായ തുടക്കം. പാറക്കോൽ ശ്രീ ചാമുണ്ഡേശ്വരി ക്ഷേത്രത്തിൽ നിന്നും കലവറ നിറയ്ക്കൽ ഘോഷയാത്ര ക്ഷേത്രത്തിൽ എത്തിച്ചേർന്നു. വൈകിട്ട് ആചാര്യ വരവേൽപ്പ്, 7 മണി മുതൽ പ്രാദേശിക കലാകാരന്മാരുടെ വിവിധ കലാപരിപാടികൾ, നൃത്തസന്ധ്യ. നാളെ രാവിലെ 10 മണിക്ക് ആചാര സംഗമവും, രാത്രി 7 മണിക്ക് സാംസ്കാരിക സമ്മേളനവും നടക്കും. തുടർന്ന് ഗ്രേറ്റ് മാജിക് ഷോയും അരങ്ങേറും. 19ന് രാവിലെ 6.37 മുതൽ 7.30 വരെയുള്ള മുഹൂർത്തത്തിലാണ് പീഠ പ്രതിഷ്ഠ. തുടർന്ന് വിവിധ പൂജാദികർമ്മങ്ങൾ. ഉത്സവാഘോഷങ്ങളുടെ ഭാഗമായി എല്ലാ ദിവസവും ഉച്ചയ്ക്കും രാത്രിയിലും അന്നദാനം ഉണ്ടായിരിക്കുന്നതാണ്.