നിയന്ത്രണം വിട്ട കാർ മരത്തിലിടിച്ച് യാത്രക്കാരായ രണ്ടുപേർക്ക് പരിക്കേറ്റു പയ്യാവൂരിൽ നിന്നും ചായ്യോത്തെക്ക് വരികയായിരുന്നു സ്വിഫ്റ്റ് കാറാണ് അപകടത്തിൽപ്പെട്ടത്

കരിന്തളം:നിയന്ത്രണം വിട്ട കാർ മരത്തിലിടിച്ച് യാത്രക്കാരായ രണ്ടുപേർക്ക് പരിക്കേറ്റു. ശനി വൈകുന്നേരം  അഞ്ചു മണിയോടെ ചോയ്യംങ്കോടിനും  കിണാവൂർ റോഡിനും ഇടയിൽ മെയിൽ റോഡിലായിരുന്നു വാഹന അപകടം നടന്നത്.കണ്ണൂർ പയ്യാവൂരിൽ നിന്നും ചായ്യോത്തെക്ക് വരികയായിരുന്നു കെ എൽ 78 ഇ 1306 നമ്പർ സ്വിഫ്റ്റ് കാറാണ് അപകടത്തിൽപ്പെട്ടത്.അപകടത്തിൽ പയ്യാവൂരിലെ ജോസ് (65) ,ഭാര്യ ലീന (60) എന്നിവർക്കാണ് പരിക്കേറ്റത്.ഇവരെ കിണാവൂർ റോഡിലെ ക്ലിനിക്കിൽ പ്രാഥമിക ചികിത്സയ്ക്കു ശേഷം നീലേശ്വരത്തെ ഹോസ്പിറ്റലിലേക്ക് മാറ്റി.ഇവരുടെ ബന്ധു ജോസ് ( 48 ) ആണ് വാഹനം ഓടിച്ചിരുന്നത് ഇയാൾക്ക് കാര്യമായ പരുക്കുകളില്ല. ഇവർ ചായ്യോത്തെ ബന്ധു വീട്ടിലേക്കുള്ള യാത്രയ്ക്കിടയിലായിരുന്നു അപകടം.അപകടസമയത്ത് റോഡിൽ മറ്റു വാഹനങ്ങൾ ഇല്ലാത്തതു കൊണ്ട് മാത്രമാണ് വൻ ദുരന്തം ഒഴിവായത്. വലതുഭാഗത്ത് മരത്തിൽ ഇടിച്ച വാഹനം ഇടിയുടെ ആഘാതത്തിൽ ഇടതു ഭാഗത്തേക്ക് വന്ന് നേർ എതിർ ദിശയിലേക്ക് തിരിയുകയായിരുന്നു.