ലൈംഗികാതിക്രമ കേസ്: രഞ്ജിത്തിന്റെ ജാമ്യാപേക്ഷയില് വിധി ഇന്ന്
കൊച്ചി: ലൈംഗികാതിക്രമ കേസില് സംവിധായകന് രഞ്ജിത്തിന്റെ ജാമ്യാപേക്ഷയില് വിധി ഇന്ന്. എറണാകുളം ജുഡീഷ്യല് ഫസ്റ്റ് ക്ലാസ് കോടതിയാണ് വിധി പറയുന്നത്. നടിയുടെ അഭിനയത്തെ സംവിധായകന് എന്ന നിലയില് വിമര്ശിച്ചതിന്റെ വൈരാഗ്യത്തെ തുടര്ന്നുള്ള വ്യാജ പരാതിയെന്നാണ് രഞ്ജിത്തിന്റെ വാദം. കേസില് ഡിജിറ്റല് തെളിവുകള് അടക്കം പരിശോധിക്കുകയാണ് അന്വേഷണ സംഘം.
കഴിഞ്ഞ ദിവസം പൊലീസ് കസ്റ്റഡിയിലുണ്ടായിരുന്ന രഞ്ജിത്തിനെ കാരവാനില് അടക്കം എത്തിച്ച് തെളിവെടുപ്പ് നടത്തിയിരുന്നു. വോട്ട് രേഖപ്പെടുത്താനുള്ള മൗലികാവകാശം ഉപയോഗപ്പെടുത്തണം, ആരോഗ്യസ്ഥിതി മോശമാണ് എന്നീ കാരണങ്ങള് ചൂണ്ടിക്കാട്ടി നേരത്തെ ഇടക്കാല ജാമ്യത്തിന് വേണ്ടി രഞ്ജിത്ത് കോടതിയെ സമീപിച്ചിരുന്നു. എന്നാല് രഞ്ജിത്തിന് കോടതി ഇടക്കാല ജാമ്യം അനുവദിച്ചിരുന്നില്ല.
No comments