കിണറ്റിൽ നിന്ന് കണ്ണെടുക്കാതെ പൂച്ച; എന്താണെന്നറിയാൻ വീട്ടുകാർ നോക്കിയപ്പോൾ ഉള്ളിൽ രാജവെമ്പാല!

കൽപ്പറ്റ: കിണറ്റിൽ വീണ 14 അടി നീളമുള്ള രാജവെമ്പാലയെ പിടികൂടി. കോട്ടൂർ - ആമല- ആയിരംകാൽ ഉന്നതിയിലാണ് സംഭവം. രാവിലെ പൂച്ച കിണറ്റിലേക്ക് നോക്കുന്നത് കണ്ട് വീട്ടുകാർ ശ്രദ്ധിച്ചപ്പോഴാണ് കിണറ്റിനകത്ത് രാജവെമ്പാല ചീറ്റുന്ന ശബ്ദം കേൾക്കുന്നത്. ഉടൻതന്നെ വനവകുപ്പിനെ അറിയിക്കുകയായിരുന്നു. വനംവകുപ്പ് അധികൃതർ എത്തി പാമ്പിനെ പിടികൂടി.