പെരുമ്പാവൂരിൽ മണിക്കൂറുകളുടെ വ്യത്യാസത്തിൽ സഹോദരിമാർ മരിച്ചു

പെരുമ്പാവൂർ: മണിക്കൂറുകളുടെ വ്യത്യാസത്തിൽ സഹോദരിമാർ മരിച്ചു. കഴിഞ്ഞ ശനിയാഴ്ച വൈകുന്നേരം മൂന്ന് മണിക്കാണ് ഒന്നാം മൈൽ മുക്കടവിൽ വീട്ടിൽ ഏലിയാമ്മ സാമുവേൽ (94) മരിച്ചത്. പെരുമ്പാവൂർ ആശ്രമം സ്കൂൾ റിട്ട. അധ്യാപികയാണ്. രാത്രി എട്ട് മണിയോടെ സഹോദരി സാറാമ്മ ജോർജും (77) മരിച്ചു. കോട്ടയം ബേക്കർ മെമ്മോറിയൽ എൽപി സ്കൂൾ റിട്ട. ഹെഡ്മിസ്ട്രസാണ്. മല്ലപ്പിള്ളി തുരുത്തിക്കാട് മധുരംപൊയ്കയിൽ കുടുംബാംഗങ്ങളാണ് ഇരുവരും.