നായ്ക്കള്‍ കുഞ്ഞിനെ കൊന്നു; 250 നായക്കുട്ടികളെ എറിഞ്ഞുകൊന്ന് കുരങ്ങന്മാരുടെ ക്രൂരപ്രതികാരം

മുംബൈ: കുട്ടിക്കുരങ്ങിനെ നായ്ക്കള്‍ കടിച്ചുകൊന്നതിന് ക്രൂരപ്രതികാരവുമായി വാനരക്കൂട്ടം. മഹാരാഷ്ട്രയിലെ ബീഡ് ജില്ലയിലാണ് സംഭവം. ഏതാനും നായ്ക്കള്‍ ചേര്‍ന്ന് കുരങ്ങന്റെ കുഞ്ഞിനെ കടിച്ചു കൊന്നിരുന്നു. ഇതിന്റെ പ്രതികാരമായാണ് വാനരക്കൂട്ടം 250 നായക്കുട്ടികളെ എറിഞ്ഞുകൊന്നു.

നായക്കുട്ടികളെ ഉയരമുള്ള സ്ഥലങ്ങളിലേക്ക് പിടിച്ചുകൊണ്ടു പോയി എറിഞ്ഞുകൊല്ലുകയാണ് ചെയ്യുന്നത്. കഴിഞ്ഞ ഒരു മാസത്തിനിടെ 250 നായക്കുട്ടികളെയാണ് വാനരക്കൂട്ടം ഇതുപോലെ കൊന്നതെന്ന് നാട്ടുകാര്‍ പറയുന്നു. ഇതോടെ നാട്ടുകാരും ആശങ്കയിലാണ്.

കുരങ്ങിനെ പിടികൂടണമെന്ന് നാട്ടുകാര്‍ അധികൃതരോട് ആവശ്യപ്പെട്ടിരുന്നെങ്കിലും ഒരു കുരങ്ങിനെ പോലും വനം വകുപ്പിന് കഴിഞ്ഞിട്ടില്ല. കുരങ്ങുകള്‍ നായക്കുട്ടികളെ മരത്തിന്റെയോ, കെട്ടിടത്തിന്റെയോ മുകളില്‍ നിന്ന് എറിഞ്ഞുകൊല്ലുകയാണ്.

കുരങ്ങുകളെ പിടിക്കുന്നതില്‍ വനം വകുപ്പ് പരാജയപ്പെട്ടതോടെ നായ്ക്കളെ രക്ഷിക്കാന്‍ നാട്ടുകാര്‍ തന്നെ രംഗത്തുവന്നിട്ടുണ്ട്. നായക്കുട്ടികളെ രക്ഷിക്കാന്‍ ശ്രമിക്കുന്നതിനിടെ ചിലയാളുകള്‍ക്കും കെട്ടിടത്തില്‍ നിന്ന വീണ് പരിക്കേറ്റിട്ടുണ്ട്.