ശബരിമല ദര്ശനം കോവിഡ് ജാഗ്രത പോര്ട്ടലില് രജിസ്റ്റര് ചെയ്യുന്നവര്ക്കു മാത്രം: ദേവസ്വം മന്ത്രി
തിരുവനന്തപുരം | കോവിഡ് ജാഗ്രതാ പോര്ട്ടലില് രജിസ്റ്റര് ചെയ്യുന്നവര്ക്ക് മാത്രം ശബരിമല ക്ഷേത്ര ദര്ശനം അനുവദിക്കാമെന്നാണ് വിദഗ്ധ സമിതി റിപ്പോര്ട്ടെന്ന് ദേവസ്വം മന്ത്രി കടകംപള്ളി സുരേന്ദ്രന് വാര്ത്താ സമ്മേളനത്തില് പറഞ്ഞു. ദര്ശനത്തിന് 48 മണിക്കൂര് മുമ്പ് കോവിഡ് പരിശോധനാ ഫലം നെഗറ്റീവായ റിപ്പോര്ട്ട് പോര്ട്ടലില് ഭക്തര് അപ്ലോഡ് ചെയ്യണം. ഇവര്ക്ക് നിലയ്ക്കലില് ആന്റിജന് പരിശോധന നടത്തും. ആയുഷ്മാന് ഭാരത് കാര്ഡുള്ളവര് അത് കൈയ്യില് കരുതണം. പരമ്പരാഗത പാതകളിലൂടെയുള്ള സന്ദര്നം അനുവദിക്കില്ല. മറ്റു കാനനപാതകള് വനുവകുപ്പിന്റെ നേതൃത്വത്തില് അടയ്ക്കും.
പത്ത് മുതല് 60 വരെയുള്ളവര്ക്ക് മാത്രം പ്രവേശനം അനുവദിച്ചാല് മതിയെന്നാണ് നിര്ദ്ദേശം. 60-65 വയസ്സിനിടയില് പ്രായമുള്ളവരില് ഗുരുതരമായ രോഗങ്ങളില്ലെന്ന മെഡിക്കല് സര്ട്ടിഫിക്കറ്റ് അപ്ലോഡ് ചെയ്യുന്നവര്ക്ക് മാത്രം പ്രവേശനം അനുവദിക്കും. സന്നിധാനത്തും ഗണപതി കോവിലിലും താമസം അനുവദിക്കില്ല. പമ്പയിലെ കുളി അനുവദിക്കില്ല.
No comments