വ്യാപാര ലൈസൻസ് ഉൾപ്പടെ വിവിധ ലൈസൻസ് പുതുക്കുന്നതിനുള്ള അവസാന തീയതി നവംബർ 30 വരെ നീട്ടി
കോവിഡ്-19 പ്രതിസന്ധി പരിഗണിച്ച് തദ്ദേശ സ്വയംഭരണ സ്ഥാപനങ്ങളില്‍ നിന്നും നല്‍കിവരുന്ന വ്യാപാര ലൈസന്‍സ് ഉള്‍പ്പെടെയുള്ള വിവിധ ലൈസന്‍സുകള്‍ പുതുക്കുന്നതിനുള്ള അവസാന തീയതി 30.11.2020 വരെ ദീര്‍ഘിപ്പിച്ച് സർക്കാർ ഉത്തരവായി.
വിവിധ ലൈസന്‍സുകള്‍ പുതുക്കുന്നതിനുള്ള കാലാവധി വിവിധ ഘട്ടങ്ങളിലായി നീട്ടി നല്‍കിയിരുന്നു. 30.09.2020 വരെ കാലാവധി ദീര്‍ഘിപ്പിച്ച് നല്‍കിയിട്ടും ഇത് ഫലപ്രദമായി പ്രയോജനപ്പെടുത്താന്‍ കഴിഞ്ഞില്ലെന്ന് വ്യാപാരികളില്‍ നിന്ന് പരാതികള്‍ ലഭിച്ചതിന്റെ അടിസ്ഥാനത്തിലാണ് സര്‍ക്കാര്‍ ഈ തീരുമാനം കൈക്കൊണ്ടത്
No comments