പോളിംഗ് ബൂത്തിൽ കോവിഡ് പ്രോട്ടോക്കോൾ ഉറപ്പുവരുത്താൻ റോബോട്ട്; സംവിധാനം എറണാകുളത്ത്

എറണാകുളം ഡിസ്റ്റിക് അഡ്മിനിസ്ട്രേഷൻ കീഴിലുള്ള കമ്മ്യൂണിറ്റി ഹാൾ പോളിംഗ് ബൂത്തിൽ ആണ് അസിമോവ് റോബോട്ടിക്സ് എന്ന സ്റ്റാർട്ടപ്പ് കമ്പനിയുടെ സായാബോട്ട് എന്ന റോബോട്ട് വോട്ടർമാർ കോവിഡ് ചട്ടങ്ങൾക്ക് അനുസരിച്ചാണോ എത്തുന്നത് എന്ന് ഉറപ്പുവരുത്തിയത്

വോട്ടിങ്ങിനായി വരുന്ന വോട്ടർമാര പരിശോധിച്ച് മാസ്ക് ധരിച്ചിട്ടുണ്ടോ, ഉണ്ടെങ്കിൽ വേണ്ടവിധം ആണോ ധരിച്ചിരിക്കുന്നത് , ടെമ്പറേച്ചർ നോർമൽ ആണോ എന്നൊക്കെ നോക്കും.

സാനിറ്റേഷൻ ചെയ്തതിനു ശേഷമേ ബൂത്തിലേക്ക് പ്രവേശനം നൽകൂ. ഒരു മിനിറ്റിൽ താഴെ തന്നെ ഇതൊക്കെ പൂർത്തിയാക്കും.

വോട്ടർമാർക്കും റോബോട്ട് കൗതുകമായി. ശരീരോഷ്മാവ് കൂടുതലാണെങ്കിൽ പോളിംഗ് ഓഫീസറുമായി ബന്ധപ്പെട്ട് പ്രത്യേകം വോട്ട് ചെയ്യാനുള്ള സൗകര്യങ്ങൾ തേടാൻ ആവശ്യപ്പെടും.

കൂടാതെ ഒന്നിൽ കൂടുതൽ ആളുകൾ അടുത്ത് നിൽക്കുന്നതായി ശ്രദ്ധയിൽപ്പെട്ടാൽ സാമൂഹിക അകലം പാലിക്കേണ്ടതിൻറെ ആവശ്യം ബോധ്യപ്പെടുത്തും.

രണ്ടു ദിവസം കൊണ്ടാണ് നിലവിലുള്ള റോബോട്ടിനെ ഇത്തരത്തിൽ സജ്ജീകരിച്ചത് എന്ന് അസിമോവ് റോബോട്ടിക്സ് സി ഇ ഒ ജയകൃഷ്ണൻ പറഞ്ഞു.