കേരളത്തില് നിന്നുള്ളവര്ക്ക് നാല് സംസ്ഥാനങ്ങളിലേക്ക് യാത്രാ നിയന്ത്രണം; കൊവിഡ് നെഗറ്റീവ് സര്ട്ടിഫിക്കറ്റ് നിര്ബന്ധം
ദിനം പ്രതി കൊവിഡ്-19 കേസുകള് ഉയരുന്ന സാഹചര്യത്തില് കേരളത്തില് നിന്നുള്ളവര്ക്ക് നാല് സംസ്ഥാനങ്ങളിലേക്ക് യാത്രാ നിയന്ത്രണം. കര്ണാടക, മഹാരാഷ്ട്ര, മണിപ്പൂര്, ഉത്തരാഖണ്ഡ് എന്നിവിടങ്ങളിലേക്ക് പോകുന്നതിനാണ് അതത് സംസ്ഥാനങ്ങള് നിയന്ത്രണം ഏര്പ്പെടുത്തിയത്. കൊവിഡ്-19 നെഗറ്റീവ് സര്ട്ടിഫിക്കറ്റുള്ളവര് മാത്രം പ്രവേശിച്ചാല് മതിയെന്നാണ് അതാതു സർക്കാർ വൃത്തങ്ങൾ അറിയിച്ചത്.നിത്യോപയോഗ സാധനങ്ങള് കൊണ്ടുവരുന്ന വാഹനങ്ങളിലെ ഡ്രൈവര്മാര് 15 ദിവസം കൂടുമ്പോള് കൊവിഡ് സര്ട്ടിഫിക്കറ്റ് ഹാജരാക്കണമെന്നാണ് കര്ണാടക ആവശ്യപ്പെട്ടിരിക്കുന്നത് വിദ്യാര്ത്ഥികളടക്കം പ്രതിസന്ധിയിലാക്കുന്ന നടപടിക്കെതിരെ വ്യാപക പ്രതിഷേധം ഉയരുന്നുണ്ട്.
No comments