ടൗട്ടെ ചുഴലിക്കാറ്റ് നാശനഷ്ടം; ജില്ലാ പഞ്ചായത്ത് പ്രസിഡണ്ട് മുഖ്യമന്ത്രിയ്ക്ക് നിവേദനം നൽകി

കാസർകോട്: ഈ കഴിഞ്ഞ ദിവസങ്ങളിൽ ഉണ്ടായ ടൗട്ടെ ചുഴലിക്കാ റ്റിൽ  കാസറഗോഡ് ജില്ലയിൽ പല സ്ഥലങ്ങളിലും മഴവെള്ളം കയറി  കൃഷിയെയും, കടലാക്രമണം കാരണം   മത്സ്യ ബന്ധന മേഖലകളിലും  വ്യാപകമായ നാശനഷ്ടങ്ങൾ ഉണ്ടായിട്ടുണ്ടെന്നും ജില്ലയിലെ  കാർഷിക മേഖലയിൽ    2,208 കർഷകർക്ക് 135.48 ലക്ഷം രൂപയുടെ നാശ  നഷ്ട്ടമാണ് കണക്കാക്കിയിട്ടുള്ളതെന്നും മുഖ്യമന്ത്രി പിണറായി വിജയന് . ജില്ലാ പഞ്ചായത്ത് പ്രസിഡണ്ട് ബേബി ബാലകൃഷ്ണൻ നൽകിയ നിവേദനത്തിൽ വ്യക്തമാക്കി. മത്സ്യ ബന്ധന മേഖലകളിൽ നിരവധി വീടുകളും ഫൈബർ ബോട്ട്കളും നാശ നഷ്ടം സംഭവിച്ചിട്ടുണ്ട് എന്ന് ബന്ധപ്പെട്ട ഉദ്യോഗസ്ഥർ റിപ്പോർട്ട്‌ സമർപ്പിച്ചിട്ടുണ്ടെന്നും ആവശ്യമായ നടപടി സ്വീകരിക്കണമെന്നും ജില്ലാ പഞ്ചായത്ത് പ്രസിഡണ്ട് അഭ്യർത്ഥിച്ചു