കള്ളാർ അടോട്ട്കയയിൽ കാട്ടുപന്നിയുടെ ഇറച്ചിയും മാൻകൊമ്പുമായി രണ്ട് പേർ പിടിയിൽ

കള്ളാർ: കള്ളാർ അടോട്ട് കയയിൽ 5 കിലോ കാട്ടുപന്നിയുടെ പാകം ചെയ്ത ഇറച്ചിയും മാൻകൊമ്പുമായി രണ്ട് പേരെ ഫോറസ്റ്റ് ഉദ്യോഗസ്ഥർ പിടികൂടി. അടോട്ട്കയയിലെ വിജയൻ (47) വേണു (56) എന്നിവരെയാണ് അറസ്റ്റ് ചെയ്തത്. വീടിനടുത്തുള്ള റബ്ബർ തോട്ടത്തിൽ കെണിവച്ചാണ് പന്നിയെ പിടികൂടിയത്, ശേഷം ഇറച്ചി നാല് പേർ പങ്കിട്ടെടുത്തു. ഇതിൽ രണ്ട് പ്രതികളെയാണ് വനം വകുപ്പ് ഉദ്യോഗസ്ഥർ പിടികൂടിയത്, രണ്ട് പേരെ കണ്ടെത്താനുണ്ട്. മാൻകൊമ്പ് പിതാവിൻ്റെ കാലം മുതൽ വീട്ടിൽ സൂക്ഷിക്കുന്നതാണെന്ന് പ്രതി പറയുന്നു. പനത്തടി ഫോറസ്റ്റ് റെയ്ഞ്ച് ഓഫീസിൽ ലഭിച്ച രഹസ്യ വിവരത്തെ തുടർന്ന്

റേഞ്ച് ഫോറസ്റ്റ് ഓഫീസർ കെ.അഷ്റഫിൻ്റെ നേതൃത്വത്തിലാണ് പ്രതികളെ പിടികൂടിയത്.
എസ്.എഫ്.ഒ മാരായ ബി. ശേഷപ്പ, പ്രഭാകരൻ. ബി.എഫ്.ഒമാരായ പുഷ്പാവതി, ആർ.കെ രാഹുൽ, എം.പി അഭിജിത്ത്, കെ.വി അരുൺ, ടി.എം സിനി, എൻ.കെ സന്തോഷ് എന്നിവരും അന്വേഷണ സംഘത്തിലുണ്ടായിരുന്നു,
കാഞ്ഞങ്ങാട് ചെമ്മട്ടംവയൽ ഫോറസ്റ്റ് ഓഫീസിൽ എത്തിച്ച പ്രതികളെ ഇന്ന് കോടതിയിൽ ഹാജരാക്കും.