എൻഡോസൾഫാൻ ഇരകൾക്ക് പിന്തുണയുമായി മലയോരത്തും നിൽപ്പു സമരം കൊന്നക്കാട് ടൗണിൽ പാമത്തട്ട് സംരക്ഷണ സമിതി നിൽപ്പു സമരം നടത്തി

കൊന്നക്കാട്: എൻഡോസൾഫാൻ ഇരകൾക്കും ഓണമുണ്ണണം എന്ന മുദ്രാവാക്യവുമായി സംസ്ഥാനത്തിൻ്റെ വിവിധ ഭാഗങ്ങളിൽ ഇന്ന് നടന്ന നിൽപ്പു സമരത്തിൻ്റെ ഭാഗമായി കൊന്നക്കാട് ടൗണിൽ പാമത്തട്ട് സംരക്ഷണ സമിതി നിൽപ്പു സമരം നടത്തി .എൻഡോസൾഫാൻ ഇരകൾക്ക് നൽകി വന്ന നാമമാത്രമായ ആശ്വാസധനം മാസങ്ങളായി മുടക്കിയിരിക്കയാണ്.അത് പുന:സ്ഥാപിക്കണമെന്നാവശ്യപ്പെട്ടാണ് ചിങ്ങം ഒന്നിന് സമരം സംഘടിപ്പിച്ചത്.കൊന്നക്കാട്ടു നടന്ന നിൽപ്പു സമരത്തിന് അരുൺ മറ്റമുണ്ട, ഹരിപ്രസാദ്, അപ്പു, ഷിജോ ജോസ്, സി.സി.ഗിരിജ, സുമിത്ത് ലാൽ തുടങ്ങിയവർ നേതൃത്വം നൽകി.