ലോകടൂറിസം ദിനം; റാണിപുരത്ത് ഏകദിന ഇക്കോ ടൂറിസം ശില്പശാല സംഘടിപ്പിച്ചു

 

പനത്തടി: റാണിപുരം വന സംരക്ഷണ സമിതിയുടെയും ഡി.റ്റി.പി.സി റിസോർട്ട്സിന്റെയും നേതൃത്വത്തിൽ ലോക ടൂറിസം ദിനത്തിൽ റാണിപുരത്ത് ഏകദിന ഇക്കോ ടൂറിസം ശില്പശാല നടത്തി. ഡിവിഷണൽ ഫോറസ്റ്റ് ഓഫീസർ പി. ധനേഷ് കുമാർ ഉദ്ഘാടനം ചെയ്തു. പനത്തടി ഗ്രാമ പഞ്ചായത്ത് പ്രസിഡന്റ് പ്രസന്ന പ്രസാദ് അദ്ധ്യക്ഷത വഹിച്ചു. ഇക്കോ ടൂറിസം മേഖലയിലെ സാധ്യതകളും വെല്ലുവിളികളും എന്ന വിഷയത്തിൽ റേഞ്ച് ഫോറസ്റ്റ് ഓഫീസർ കെ. അഷറഫ് ക്ലാസെടുത്തു. പഞ്ചായത്തംഗങ്ങളായ കെ.ജെ.ജെയിംസ്, സി.ആർ.ബിജു, കെ.കെ.വേണുഗോപാൽ, പി.കെ. സൗമ്യ മോൾ , സെക്ഷൻ ഫോറസ്റ്റ് ഓഫീസർ ബി. ശേഷപ്പ, വനസംരക്ഷണ സമിതി പ്രസിഡന്റ് എസ്. മധുസൂദനൻ , സി. ഗണേശൻ, എം.കെ.സുരേഷ്, എം.പി. അഭിജിത്ത് എന്നിവർ സംസാരിച്ചു.