ചെളിക്കുളമായ ചെറുപുഴ-നല്ലോംപുഴ റോഡില്‍ കൃഷിയിറക്കല്‍ സമരവുമായി കോണ്‍ഗ്രസ്
ചിറ്റാരിക്കാല്‍: മലയോര ഹൈവേയുടെ ഭാഗമായ ചെറുപുഴ - നല്ലോംപുഴ റോഡ് അശാസ്ത്രീയമായ നിര്‍മാണപ്രവര്‍ത്തനങ്ങള്‍ മൂലം ചെളിക്കുളമാക്കിയതില്‍ പ്രതിഷേധിച്ച്‌ ഈസ്റ്റ് എളേരി മണ്ഡലം കോണ്‍ഗ്രസ് കമ്മിറ്റിയുടെ നേതൃത്വത്തില്‍ റോഡില്‍ തെങ്ങിന്‍തൈകളും വാഴകളും വച്ച്‌ കൃഷിയിറക്കല്‍ സമരം നടത്തി.
കാല്‍നടയാത്ര പോലും ദുഷ്‌കരമായ റോഡിലൂടെയാണ് ഇപ്പോള്‍ സ്‌കൂള്‍ കുട്ടികളുള്‍പ്പെടെ നടന്നുപോകേണ്ടിവരുന്നതെന്ന് സമരം ഉദ്ഘാടനം ചെയ്ത ജില്ലാ പഞ്ചായത്ത് അംഗം ജോമോന്‍ ജോസ് ചൂണ്ടിക്കാട്ടി. വാഹനങ്ങള്‍ ചെളിയില്‍ താഴ്ന്നുപോകുന്നതും നിത്യസംഭവമാണ്.
ഇരുചക്രവാഹനങ്ങളെയാണ് ഇത് കൂടുതലായി ബാധിക്കുന്നത്.അരിയിരുത്തിയില്‍ നടക്കുന്ന പ്രതിഷേധ പരിപാടിയില്‍ മണ്ഡലം പ്രസിഡന്‍റ് ജോര്‍ജ്കുട്ടി കരിമഠം അധ്യക്ഷത വഹിച്ചു. ടോമി പ്ലാച്ചേരി, തോമസ് മാത്യു, ജോസ് കുത്തിയതോട്ടില്‍, ഡൊമിനിക് കോയിത്തുരുത്തേല്‍, സോണി പൊടിമറ്റം, സോണി കൊച്ചുമുറി, ദിലീപ്കുമാര്‍ എന്നിവര്‍ പ്രസംഗിച്ചു.
No comments