പ്രായപൂർത്തിയാവാത്ത പെൺകുട്ടിയോട് അപമര്യാദയായി പെരുമാറി ; കള്ളാർ സ്വദേശിയായ കരാട്ടെ മാഷിന്റെ പേരിൽ പോക്സോ നിയമപ്രകാരം കേസ്

കാഞ്ഞങ്ങാട്: പത്താം ക്ലാസുകാരിയായ പെൺകുട്ടിയോട് അപമര്യാദയായി പെരുമാറിയ കരാട്ടെ മാഷിന്റെ പേരിൽ പോക്സോ നിയമപ്രകാരം ഹോസ്ദുർഗ് പോലീസ് കേസെടുത്തു. രാജപുരം കളളാർ സ്വദേശിയായ കരാട്ടെ മാഷ് ജോസഫിന് എതിരെയാണ് പെൺകുട്ടിയുടെ പരാതിയിൽ ഹോസ്ദുർഗ് പോലീസ് കേസെടുത്തത്.

കേസെടുത്തതറിഞ്ഞതിനെ തുടർന്ന് ഇയാൾ ഒളിവിലാണ് . കരാട്ടെ ക്യാമ്പിൽ പങ്കെടുത്ത് തിരിച്ചുവന്നപ്പോൾ രാത്രി പെൺകുട്ടിയെ ബൈക്കിൽ വീട്ടിലേക്ക് കൊണ്ടുവിടാൻ പോകുമ്പോഴാണ് ജോസഫ് പെൺകുട്ടിയോട് അശ്ലീലഭാഷയിൽ സംസാരിച്ചത്. കുട്ടി സംഭവം സ്കൂളിലെത്തി അധ്യാപികയോട് പറയുകയായിരുന്നു. അധ്യാപിക ഇക്കാര്യം കുട്ടിയുടെ മാതാവിനെ അറിയിച്ചു. തുടർന്ന് ഹോസ്ദുർഗ് പോലീസ് സ്റ്റേഷനിൽ പരാതി നൽകുകയായിരുന്നു.