പരപ്പയിലെ കവർച്ച: സൂപ്പർ മാർക്കറ്റിൽ നിന്നും പണവും സ്വർണാഭരണവും നഷ്ടപ്പെട്ടു

വെള്ളരിക്കുണ്ട് : കവർച്ച നടന്ന പരപ്പയിലെ ഫാമിലി ഹൈപ്പർ മാർക്കറ്റിൽ നിന്നും പണവും സ്വർണാഭരണവും നഷ്ടപ്പെട്ടു. അഞ്ചരക്കണ്ടി സൂപ്പർ മാർക്കറ്റിലും കള്ളൻ കയറിയിരുന്നു.ഹൈപ്പർ മാർക്കറ്റിൽ നിന്നും 53000 രൂപയും സ്വർണ ചെയിനുമാണ് മോഷണം പോയത്. മേശ വലിപ്പിൽ നിന്നു മാണ് പണവും ആഭരണവും കവർന്നത്. ഇന്നലെ രാത്രിയിലാണ് കവർച്ച .
പൂട്ട് തകർത്ത്  മോഷ്ടാക്കൾഅകത്തുകയറുകയായിരുന്നു. ഫാമിലി ഹൈപ്പർ മാർക്കറ്റിന്റെ അകത്ത് കറൻസി നോട്ടുകൾ ചിതറികിടന്നിരുന്നു.
താഴെ പരപ്പയിൽ ഒരു മാസം മുൻപ് പ്രവർത്തനം ആരംഭിച്ച അഞ്ചരക്കണ്ടി സൂപ്പർ മാർക്കറ്റിന്റെ പൂട്ട് പൊളിച്ച നിലയിലായിരുന്നു. 
വെള്ളരിക്കുണ്ട്  പൊലീസും സ്ഥാപന ഉടമകളെത്തി നടത്തിയ പരിശോധനയിലാണ് പണവും ആഭരണവും നഷ്ടപ്പെട്ടതായി കണ്ടെത്തിയത്. വെള്ളരിക്കുണ്ട് പൊലീസ് കേസെടുത്തു. കഴിഞ്ഞ ദിവസം പരപ്പയിലെ സപ്ലൈക്കോയില മോഷണ ശ്രമം നടന്നിരുന്നു. കവർച്ച നടത്തുന്ന പ്രതിയുടെ സി.സി.ടി.വി ദൃശ്യം ലഭിച്ചിട്ടുണ്ട്.