പ്രേക്ഷക ശ്രദ്ധ നേടി സൈക്കോ സോഷ്യൽ സ്കൂൾ കൗൺസിലേഴ്‌സിന്റെ "ചൂട്ട് " നാടകം രാജപുരത്തും കോളിച്ചാലും അരങ്ങേറി

രാജപുരം:  കാസർകോട് ജില്ലാ വനിതാ ശിശു വികസന വകുപ്പിന്റെ നേതൃത്വത്തിൽ സൈക്കോ സോഷ്യൽ സ്കൂൾ കൗൺസിലേഴ്‌സ് അവതരിപ്പിക്കുന്ന ചൂട്ട് നാടകം വളരെയധികം ശ്രദ്ധേയമായി...

ഐസിഡിഎസ് പരപ്പ അഡിഷണലിന്റെ ആഭിമുഖ്യത്തിൽ കള്ളാർ  പഞ്ചായത്തിന്റെ കീഴിൽ രാജപുരത്ത് പ്രവർത്തിച്ചുവരുന്ന സെന്റ് പയസ് ടെൻത് കോളേജിൽ വച്ചാണ് "ചൂട്ട് "നാടകം അരങ്ങേറിയത്.

സെന്റ് പയസ് ടെൻസ് കോളേജ് പ്രിൻസിപ്പാൾ ഡോക്ടർ ദേവസ്യ എംഡി പ്രസ്തുത പരിപാടിക്ക് ആശംസകൾ അർപ്പിച്ചു. തുടർന്ന് കോളേജ് ന്റെ എൻ.എസ്.എസ്  കോഡിനേറ്റർ ശ്രീമതി പാർവതി. ഇ  പ്രസ്തുത പരിപാടിക്ക് ആശംസയേകി.

പെൺകുട്ടികളെ സംരക്ഷിക്കുക നല്ല വിദ്യാഭ്യാസം നൽകുക,  സമൂഹത്തിന്റെ ഉന്നതിയിലേക്ക് അവരെ വളർത്താൻ പ്രാപ്തരാക്കുക എന്നീ ലക്ഷ്യങ്ങൾ മുൻനിർത്തി തുടങ്ങിവെച്ച പദ്ധതിയാണ് ബേട്ടി ബച്ചാവോ ബേട്ടി പഠാവോ.

ആനുകാലിക  പ്രശ്നങ്ങളെ മുൻനിർത്തിക്കൊണ്ടും,കാണികൾക്ക് ഹരം പകർന്നുകൊണ്ടും ചൂട്ട് തെരുവ് നാടകം ജനഹൃദയങ്ങളിൽ ഇടം നേടി.

ഐ സി ഡി എസ് പരപ്പ അഡിഷനലിന്റെപരിധിയിലുള്ള പനത്തടി ഗ്രാമപഞ്ചായത്തിലെ കോളിച്ചാൽ ഗ്രാമത്തിലും ചൂട്ട് നാടകം അരങ്ങേറി

പനത്തടി ഗ്രാമപഞ്ചായത്ത് വൈസ് പ്രസിഡണ്ട് ശ്രീ ഡി. എം ജോസഫ് കുര്യൻ അധ്യക്ഷത വഹിച്ച പരിപാടിയിൽ ഐസിഡിഎസ് സൂപ്പർവൈസറായ ശ്രീമതി പ്രജി. പി സ്വാഗതം ആശംസിച്ചു. പനത്തടി ഗ്രാമപഞ്ചായത്ത് പ്രസിഡന്റ് ശ്രീമതി.പ്രസന്ന പ്രസാദ് ഉദ്ഘാടനകർമ്മം നിർവഹിച്ചു. ബ്ലോക്ക് പഞ്ചായത്ത് ആരോഗ്യ വിദ്യാഭ്യാസ സ്റ്റാൻഡിങ് കമ്മറ്റി ചെയർപേഴ്സൺ ശ്രീമതി പത്മകുമാരി ആശംസകൾ നേർന്നു. അംഗൻവാടി പ്രവർത്തകയായ ശ്രീമതി  ഭാരതി പരിപാടിക്ക് നന്ദി അർപ്പിച്ച് സംസാരിച്ചു.

കോളിച്ചാൽ  ഗ്രാമവാസികളുടെ സജീവമായി പങ്കാളിത്തം ഈ പരിപാടിക്ക് മാറ്റുകൂട്ടി. ഈ തെരുവുനാടകം ജനഹൃദയങ്ങൾ ഏറ്റുവാങ്ങി. പലരുടെയും കണ്ണീരിനെ ഈറൻ അണിയിച്ചുകൊണ്ട് സൈക്കോ സോഷ്യൽ സ്കൂൾ കൗൺസിലഴ്‌സ് അരങ്ങ് തകർത്താടി