വെളളരിക്കുണ്ട് വൈ എം സി എ ആതിഥ്യമരുളിയ ക്രിസ്മസ് കരോൾ ഗാന മത്സരത്തിൽ മാട്ടൂൽ വ്യാകുലമാതാ ചർച്ച് ടീം ഒന്നാം സ്ഥാനം നേടി

വെള്ളരിക്കുണ്ട് : വൈ എം സി എ വെള്ളരിക്കുണ്ടിന്റെ നേതൃത്വത്തിൽ അഞ്ചാമത് കണ്ണൂർ കാസർകോട് ജില്ലാ തല ഓപ്പൺ ക്രിസ്മസ് കരോൾ ഗാന മത്സരം "ജിംഗിൾ ബെൽസ്"  വെള്ളരിക്കുണ്ട് ബസ്റ്റാന്റ് പരിസരത്ത് വച്ച് നടന്നു.  ഒന്നാം സമ്മാനം  മാതാ കൺസ്ട്രഷൻസ് സ്പോൺസർ ചെയ്യുന്ന12000 രൂപ ക്യാഷ് പ്രൈസ്.  രണ്ടാം സമ്മാനം സി.ജെ ബിൽഡ് വെയർ സ്പോൺസർ ചെയ്യുന്ന 8000 രൂപ ക്യാഷ് പ്രൈസ്. മൂന്നാം സമ്മാനം ബ്രൈറ്റ് ഇലക്ട്രിക്കൽ സ്പോൺസർ ചെയ്യുന്ന ക്യാഷ് പ്രൈസ് 5000 രൂപ. വൈകിട്ട്  നടന്ന മത്സര പരിപാടി വൈഎംസിഎ യൂണിറ്റ് ട്രഷറർ ബെന്നി പ്ലാമൂട്ടലിന്റെ പ്രാർത്ഥനാ ഗാനത്തോടെ ചടങ്ങ് ആരംഭിച്ചു. വെള്ളരിക്കുണ്ട് ലിറ്റിൽഫ്ലവർ ഫൊറോനാ ചർച്ച് വികാരി വെരി റവ ഫാ. ജോൺസൺ അന്ത്യംകുളം ഉദ്ഘാടനം ചെയ്തു. വെള്ളരിക്കുണ്ട് വൈ എം സി എ പ്രസിഡണ്ട് സിബി വാഴക്കാലയിൽ അധ്യക്ഷത വഹിച്ചു. പ്രോഗ്രാം കമ്മിറ്റി കൺവീനർ ജയ്സൺ കാവപുരയ്ക്കൽ സ്വാഗതം പറഞ്ഞു. വൈഎംസിഎ സബ് റീജിയണൽ ചെയർമാൻ ബേബി മാടപ്പള്ളിൽ മുഖ്യാതിഥിയായി. വെള്ളരിക്കുണ്ട് ഫൊറോന ചർച്ച് അസിസ്റ്റൻറ് വികാരി റവ. ഫാദർ ജിന്റോ പാണാക്കുഴിയിൽ ക്രിസ്മസ് സന്ദേശം നൽകി . ഫാ. ജിതിൻ വയലുങ്കൽ , ബ്ലോക്ക് പഞ്ചായത്ത് അംഗം ഷോബി ജോസഫ്, വ്യാപാരി വ്യവസായി ഏകോപന സമിതി യൂണിറ്റ് പ്രസിഡണ്ട് തോമസ് ചെറിയാൻ, വാർഡ് മെമ്പർ വിനു കെ ആർ തുടങ്ങിയവർ സംസാരിച്ചു. വെള്ളരിക്കുണ്ട് നിർമ്മലഗിരി എൽ പി സ്കൂൾ വിദ്യാർത്ഥികൾ സ്വാഗത ഗാനം ആലപിച്ചു. തുടർന്ന് കോമഡി ഉത്സവം ഫെയിം ഫാദർ ജിതിൻ വയലുങ്കൽ നയിക്കുന്ന എന്റർടൈയ്മെന്റ് സീക്വൻസ് അരങ്ങേറി. വെള്ളരിക്കുണ്ട് സബ് ഇൻസ്പെക്ടർ എം .സതീശൻ സമ്മാനദാനം നിർവഹിച്ചു. വെള്ളരിക്കുണ്ട് വൈഎംസിഎ സെക്രട്ടറി ബാബു കല്ലറയ്ക്കൽ നന്ദി പ്രകാശനം നടത്തി

മികച്ച ടീമുകൾ മാറ്റുരച്ച മത്സരത്തിൽ വ്യാകുലമാത ചർച്ച് മാട്ടൂൽ ഒന്നാം സ്ഥാനം നേടി. ലിറ്റിൽ ഫ്ലവർ ചർച്ച് ടീം വെള്ളരിക്കുണ്ട് രണ്ടാം സ്ഥാനവും

ലിറ്റിൽ ഫ്ലവർ ക്വയർ ടീം മേരിഗിരി മൂന്നാം സ്ഥാനവും നേടി. പങ്കെടുക്കുന്ന എല്ലാ ടീമുകൾക്കും പ്രോത്സാഹന സമ്മാനം നൽകി.