പ്രായപൂർത്തിയാവാത്ത കുട്ടി ഇന്നോവ കാറുമായി പോലീസ് പിടിയിൽ... കാർ നൽകിയ ഉടമസ്ഥനെതിരെ പോലീസ് കേസ്

രാജപുരം : 17 കാരന് കാർ വാടകയ്ക്ക് ഓടിക്കാൻ കൊടുത്തതിന് വെള്ളരിക്കുണ്ട് സ്വദേശിക്കെതിരെ കേസെടുത്തു. പുന്നക്കുന്ന് സജി എബ്രഹാ 54 മിനെതിരെയാണ് രാജപുരം പൊലീസ് കേസെടുത്തത്.പരപ്പ സ്വദേശിയായ 17 കാരനാണ് ഇന്നോവ  നൽകിയത്.രാജപുരം എസ്. ഐ കെ. എം. കരുണാകരനും സംഘവും പാണത്തൂർ ചിറങ്കടവിൽ വാഹന പരിശോധന നടത്തുന്നതിനിടെയാണ് 17കാരൻ ഇന്നോവ കാറിൽ കാഞ്ഞങ്ങാട് ഭാഗത്തേക്ക് പോകുന്നത് ശ്രദ്ധയിൽപ്പെട്ടത്. പൊലീസ് വിവരങ്ങൾ ആരാഞ്ഞപ്പോഴാണ് കാർ സജി വാടകയ്ക്ക് നൽകിയതതാ ണെന്ന് പറഞ്ഞത്.കാർ കസ്റ്റഡിയിലെടുത്ത പോലീസ് 17കാരനെ മാതാവിനെ വിളിച്ചുവരുത്തി കൂടെ പറഞ്ഞയച്ചു.