നവജാത ശിശുവിനെ ഉപേക്ഷിച്ച സംഭവത്തില്‍ മാതാവ് അറസ്റ്റില്‍
ആദൂര്‍ പഞ്ചിക്കലിലെ സ്‌ക്കൂള്‍ വരാന്തയില്‍ നവജാത ശിശുവിനെ ഉപേക്ഷിച്ച സംഭവത്തില്‍ കുഞ്ഞിന്റെ മാതാവിനെ ആദൂര്‍ പോലീസ് അറസ്റ്റ് ചെയ്തു. പ്രതിയെയും കൊണ്ട് കുട്ടിയെ ഉപേക്ഷിച്ച സ്‌ക്കൂളിലും പരിസരങ്ങളിലും പോലീസ് സംഘം തെളിവെടുപ്പ് നടത്തി. സ്റ്റേഷന്‍ എസ്.എച്ച്.ഒ ആയ ഇന്‍സ്പെക്ടര്‍ സുനുമോന്റെ നേതൃത്വത്തിലുള്ള പോലീസ് സംഘത്തില്‍ സബ് ഇന്‍സ്പെക്ടര്‍മാരായ അനുരൂപ്, വിനോദ്കുമാര്‍, സീനിയര്‍ സിവില്‍ പോലീസ് ഓഫീസര്‍ അനീഷ് വര്‍ഗ്ഗീസ്, സിവില്‍ പോലീസ് ഓഫീസര്‍ രമ്യ എന്നിവരുമുണ്ടായിരുന്നു. ഉപേക്ഷിക്കപ്പെട്ട ശിശു കാസര്‍ഗോഡ് ജനറല്‍ ആശുപത്രിയില്‍ ഗുരുതരാവസ്ഥയില്‍ ചികിത്സയിലാണ്.
No comments