ആവശ്യത്തിന് ഡോക്ടർമാരും ജീവനക്കാരും ഇല്ല.... വെള്ളരിക്കുണ്ട് ബ്ലോക്ക്‌ കുടുംബാരോഗ്യ കേന്ദ്രത്തിലേക്ക് ബളാൽ മണ്ഡലം കോൺഗ്രസ്സ് കമ്മറ്റി പ്രതിഷേധ മാർച്ചും ധർണ്ണയും നടത്തി

വെള്ളരിക്കുണ്ട് :  മഴക്കെടുതി രോഗത്തിൽ മലയോരം വലയുമ്പോൾ വെള്ളരിക്കുണ്ട് ബ്ലോക്ക് കുടുബരോഗ്യ കേന്ദ്രത്തിൽ ആവശ്യത്തിന് ഡോക്ടർമാരെയും  മറ്റുജീവനക്കാരെയും നിയമിക്കാത്തതിൽ പ്രതിഷേധിച്ച് ബളാൽ മണ്ഡലം കോൺഗ്രസ്സ് കമ്മറ്റിയുടെ നേതൃത്വത്തിൽ ആശുപത്രിയിലേക്ക് പ്രതിഷേധമാർച്ചും ധർണ്ണയും സംഘടിപ്പിച്ചു.

ആശുപത്രിയിലേക്ക് പ്രകടനമായി എത്തിയ കോൺഗ്രസ്സ് പ്രവർത്തകരെ വെള്ളരിക്കുണ്ട് എസ്. ഐ. രമേശന്റെ നേതൃത്വത്തിലുള്ള പോലീസ് സംഘം തടഞ്ഞു. തുടർന്ന് നടന്ന ധർണ്ണ ബളാൽ പഞ്ചായത്ത് പ്രസിഡന്റ് രാജു കട്ടക്കയം ഉത്ഘാടനം ചെയ്തു.

മണ്ഡലം പ്രസിഡന്റ് എം. പി. ജോസഫ് അധ്യക്ഷതവഹിച്ചു. ബ്ലോക്ക് പഞ്ചായത്ത് അംഗം ഷോബി ജോസഫ്. പഞ്ചായത്ത് വൈസ് പ്രസിഡന്റ് എം. രാധാമണി. ടി. അബ്ദുൾ കാദർ. അലക്സ് നെടിയകാലയിൽ. വിനു കെ. ആർ. ജോസഫ് ജിമ്മി ഇടപ്പാടി. ജോസ് വടക്കേ പ്പറമ്പിൽ. ജോസഫ്  വർക്കി. പി. പത്മാവതി, ജോർജ്ജ് തോമസ്, ലിബിൻ ജേക്കബ് ആലപ്പാട്ട് തുടങ്ങിയവർ പ്രസംഗിച്ചു.

പ്രകടനത്തിന് ജോബി കാര്യാവിൽ. ദിലീപ് മാത്യു. നാരായണൻ അരിങ്കല്ല്. ടിജോ തോമസ്. ബെന്നി പ്ലാമൂട്ടിൽ. രാജേന്ദ്രൻ. ബിജു ചാമക്കാല. ഷനോജ് കനകപ്പള്ളി. എന്നിവർ നേതൃത്വം നൽകി