രാജപുരം സെൻ്റ് പയസ് ടെൻത് കോളേജും അത്തിക്കോത്ത് നിവാസികളും കൈകോർത്തു ലീലക്കായി ഉയരുന്നു സ്നേഹത്തണൽ

രാജപുരം : നിർദ്ധന കുടുംബത്തിനൊരു  സ്നേഹവീടെന്ന സ്വപ്നം യാഥാർഥ്യമാക്കാനൊരുങ്ങി എൻ. എസ്.എസ് പ്രവർത്തകർ. രാജപുരം സെന്റ് പയസ്സ് ടെൻത് കോളേജിലെ എൻ എസ്  എസ് യൂണിറ്റുകളുടെ നേതൃത്വത്തിൽ ഏച്ചിക്കാനം അത്തിക്കോത്തെ ലീലയ്ക്കാണ് സ്‌നേഹവീട് നിർമ്മിച്ചു നൽകുന്നത്. വീടിന്റെ പ്രധാന വാർപ്പ് കഴിഞ്ഞു . കോളേജ് മാനേജ്മെന്റ്, ജീവക്കാർ, വിദ്യാർത്ഥികൾ, അത്തിക്കോത്ത് നിവാസികൾ എന്നിവരുടെ സഹകരണത്തോടെയാണ് വീട് നിർമ്മിക്കുന്നത് . എൻ എസ് എസ് പ്രോഗ്രാം ഓഫീസർമാരായ പാർവതി ഇ , അജോ ജോസ് ,  എൻ എസ് എസ് വോളന്റിയർ സെക്രട്ടറിമാർ കോളേജിലെ പൂർവ്വ അധ്യാപകനായിരുന്ന ഡോ. സതീഷ് കുമാർ. ആർ. കെ , മുൻ എൻ എസ് എസ് വോളന്റിയർ വിഷ്ണു വത്സൻ , പ്രദേശത്തെ സന്നദ്ധ പ്രവർത്തനായ  അജയകുമാർ നെല്ലിക്കാട്ട്  എന്നിവരാണ് നിർമ്മാണത്തിന് മേൽനോട്ടം വഹിക്കുന്നത് . കണ്ണൂർ യൂണിവേഴ്സിറ്റി ഡി എസ് എസ് ന്റെ പൂർണ്ണ പിന്തുണയും ഇവർക്കൊപ്പമുണ്ട്.