Breaking News

ബളാൽ ഭഗവതി ക്ഷേത്രം ഇനി മുതൽ ഹരിത ദേവാലയം.. ബളാൽ പഞ്ചായത്ത് ആരോഗ്യ സ്റ്റാന്റിംഗ് കമ്മറ്റി ചെയർമാൻ ടി. അബ്ദുൾ കാദർ പദ്ധതി ഉത്ഘാടനം ചെയ്തു..


വെള്ളരിക്കുണ്ട് :  ബളാൽ ഭഗവതി ക്ഷേത്രത്തിൽ  ഫെബ്രുവരി 2 മുതൽ 11 വരെ നടക്കുന്ന ബ്രഹ്മ കുംഭാഭിഷേക മഹോത്സവത്തിന് മാലിന്യ ശേഖരണത്തിനും സംസ്ക രണത്തിനുമായി വിപുലമായ പദ്ധതികൾക്ക്‌ രൂപം നൽകി..

 ഹരിതം എന്റെ ദേവാലയം എന്ന പേരിട്ടിരിക്കുന്ന ഈ ക്യാമ്പയിനിൽ പ്ലാസ്റ്റിക്  , ഒറ്റ തവണ ഉപയോഗിക്കുന്ന സാധന സാമഗ്രികളുടെ  ഉപയോഗം പൂർണമായും നിയന്ത്രിക്കും.

ഭക്ഷണവും കുടിവെള്ളവും വാഴയിലയിലും സ്റ്റീൽ പ്ലേറ്റുകളിലും ഗ്ലാസുകളിലും വിതരണം ചെയ്യും. ഭക്ത ജനങ്ങൾക്ക് മാലിന്യം നിക്ഷേപിക്കുന്നതിന്  ഓലക്കൊട്ടകൾ മെടഞ്ഞു തയ്യാറാക്കിട്ടുണ്ട്. ചന്തയിലെ മാലിന്യങ്ങൾ ശേഖരിച്ച് ഹരിത കർമസേനക്ക് കൈമാറും. ആയതിന് നിശ്ചിത ഫീസ് കടയുടമയിൽ നിന്നും ഈടാക്കും.   ഓരോ ദിവസത്തേയും അജൈവ മാലിന്യങ്ങൾ അന്നന്നു തന്നെ ശേഖരിച്ചു സൂക്ഷിക്കും.

ജൈവ മാലിന്യ  സംസ്കരണത്തിന് പ്രത്യേക സംവിധാനമൊരുക്കും.പദ്ധതി ബളാൽ പഞ്ചായത്ത് ആരോഗ്യ സ്റ്റാന്റിംഗ് കമ്മറ്റി ചെയർമാൻ ടി. അബ്ദുൾ കാദർ ഉത്ഘാടനം ചെയ്തു..

ആഘോഷ കമ്മറ്റി ചെയർമാൻ വി മാധവൻ നായർ അധ്യക്ഷത വഹിച്ചു. ഹരിതം എന്റെ ദേവാലയം കർമ പദ്ധതി ആഘോഷ കമ്മറ്റി കൺവീനർ പി കുഞ്ഞികൃഷ്ണൻ നായർ വിശദീകരിച്ചു.ഭക്ഷണമൊരുക്കുമ്പോൾ ശ്രദ്ധിക്കേണ്ട കാര്യങ്ങളെ കുറിച്ച് 

 വെള്ളരിക്കുണ്ട് കുടുമ്പാരോഗ്യ കേന്ദ്രം ഹെൽത് ഇൻസ്‌പെക്ടർ സാജു സെബാസ്റ്റ്യൻ, ജൂനിയർ ഹെൽത് ഇൻസ്‌പെക്ടർ ഷെറിൻ എന്നിവർ ക്ലാസ് എടുത്തു.ക്ഷേത്രം പ്രസിഡന്റ്‌ വി രാമചന്ദ്രൻ നായർ, വർക്കിങ് ചെയർമാൻ  ഇ ഭാസ്കരൻ നായർ, ആഘോഷ കമ്മറ്റി ജനറൽ കൺവീനർ ഹരീഷ് പി നായർ,   ട്രെഷറർ സി ദാമോദരൻ, മാതൃസമിതി  പ്രസിഡന്റ്‌ ജ്യോതി രാജേഷ്,  സെക്രട്ടറി രേഷ്മ രാധാകൃഷ്ണൻ ,യു എ എ കമ്മറ്റി പ്രധിനിധി   വിജു ഇടയില്ലം എന്നിവർ പ്രസംഗിച്ചു...

No comments