കാസർഗോഡ് മീപ്പുഗിരിയിൽ യുവാവിനെ കുത്തിപ്പരിക്കേൽപ്പിച്ചു
കാസർകോട്: പുതുതായി കട തുടങ്ങുന്നതിലുള്ള വിരോധത്തെ തുടർന്നാണെന്നു പറയുന്നു, ബുധനാഴ്ച രാത്രി മീപ്പുഗിരിയിൽ യുവാവിനെ കുത്തിപ്പരിക്കേൽപ്പിച്ചു. ബാസിത് എന്നയാൾക്കാണ് കുത്തേറ്റത്. ഇയാളെ മംഗ്ളൂരുവിലെ ആശുപത്രിയിൽ പ്രവേശിപ്പിച്ചു. സംഭവത്തിൽ ബാസിത്തിന്റെ സുഹൃത്ത് കൂ, എരിയാലിലെ മുഹമ്മദ് ആസിഫ് സഹറിന്റെ പരാതിയിൽ കാസർകോട് ടൗൺ പൊലീസ് നരഹത്യാശ്രമത്തിനു കേസെടുത്തു അന്വേഷണമാരംഭിച്ചിട്ടുണ്ട്. ബുധനാഴ്ച രാത്രി 12.30 മണിയോടെയാണ് സംഭവം. പരാതിക്കാരനും സുഹൃത്തുക്കളും മീപ്പുഗിരിയിൽ ആരംഭിക്കുന്ന കടയുടെ പെയ്ന്റിംഗ് ജോലി ചെയ്തു കൊണ്ടിരിക്കുകയായിരുന്നു. ഇതിനിടയിൽ ബൈക്കിലെത്തിയ ഒരാളാണ് അക്രമം നടത്തിയതെന്നു ടൗൺ പൊലീസ് രജിസ്റ്റർ ചെയ്ത കേസിൽ പറയുന്നു. അക്രമിയെന്നു സംശയിക്കുന്ന യുവാവ് പൊലിസ് കസ്റ്റഡിയിലാണ്.
No comments