കേരള സീനിയർ സിറ്റിസൺസ് ഫോറം കാസർഗോഡ് ജില്ലാ കമ്മിറ്റിയുടെ ആഭിമുഖ്യത്തിൽ വെള്ളരിക്കുണ്ട് ടൗണിൽ പ്രകടനവും പൊതുയോഗവും നടന്നു

വെള്ളരിക്കുണ്ട് : കേന്ദ്ര സംസ്ഥാന സർക്കാരുകളുടെ ബഡ്ജറ്റ് അവതരണത്തിൽ തഴഞ്ഞതിനെതിരെയും കേന്ദ്ര സർക്കാർ റെയിൽവേ യാത്ര സൗജന്യം പുനസ്ഥാപിക്കാത്തതിനെതിരെയും വയോജന പെൻഷൻ 5000 രൂപയാക്കി വർധിപ്പിക്കണമെന്നും പെൻഷൻ അതാതുമാസം കൃത്യമായി നൽകണം തുടങ്ങി വിവിധ ആവശ്യങ്ങൾ രേഖപ്പെടുത്തികൊണ്ട് കേരള സീനിയർ സിറ്റിസൺസ് ഫോറം  കാസർഗോഡ് ജില്ലാകമ്മിറ്റിയുടെ ആഭിമുഖ്യത്തിൽ വെള്ളരിക്കുണ്ട് ടൗണിൽ പ്രകടനവും പൊതുയോഗവും നടത്തി. വെള്ളരിക്കുണ്ട് ബസ് സ്റ്റാൻഡിൽ നിന്നും ആരംഭിച്ച പ്രകടനം താലൂക്ക് ഓഫീസിന് മുൻപിൽ എത്തി ടൗണിൽ സമാപിക്കുകയായിരുന്നു.

കെ എസ് സി എഫ് സംസ്ഥാന സെക്രട്ടറി ജോർജ് വർഗീസ് സമരം ഉത്ഘാടനം ചെയ്തു. കെഎസ് സി എഫ് ജില്ലാ സെക്രട്ടറി  കെ സുകുമാരൻ നായർ സ്വാഗതം പറഞ്ഞ ചടങ്ങിൽ കെ എസ് സി എഫ് ബളാൽ പഞ്ചായത്ത് പ്രസിഡന്റ്‌ പുഴക്കര കുഞ്ഞിക്കണ്ണൻ നായർ ആദ്യക്ഷനായി.

രക്നാകരൻ പ്ലാത്തടം, എം ജെ ലൂക്കോസ്, കെ സി മൈക്കിൾ, മേരികുട്ടി മാത്യു, കെ സി ആന്റണി എന്നിവർ സമരത്തിന് ആശംസകൾ അർപ്പിച്ചു സംസാരിച്ചു. പി ആർ ശശിധരൻ ചടങ്ങിന് നന്ദി പറഞ്ഞു