സാമ്പത്തിക ശാസ്ത്രത്തിൽ ഡോക്ടറേറ്റ് നേടിയ കാസറഗോഡ് ഗവ.കോളേജിലെ ഡോ. യു ബാലകൃഷ്ണന് തുടി സാംസ്‌കാരിക വേദിയുടെ ആദരവ്

ചുള്ളിക്കര: "സാമൂഹ്യ മൂലധനവും വികസനവും - കേരളത്തിലെ തെരഞ്ഞെടുത്ത ഗോത്ര വിഭാഗങ്ങളെ കുറിച്ചു ഒരു പഠനം"  എന്ന വിഷയത്തിൽ  കണ്ണൂർ സർവ്വകലാ ശാലയിൽ നിന്നും 

 സാമ്പത്തിക ശാസ്ത്രത്തിൽ ഡോക്ടറേറ്റ് നേടിയ കാസറഗോഡ് ഗവണ്മെന്റ് കോളേജിലെ ഡോക്ടർ യു ബാലകൃഷ്ണനെ കാസർകോട് തുടി സാംസ്‌കാരിക വേദി ആഭിമുഖ്യത്തിൽ ആദരിച്ചു.  പൂടംകല്ല് സഹകരണ ബാങ്ക് ഹാളിൽ നടന്ന ആദരവ് സമ്മേളനം

കേരള പൊതു മരാമത്തു വകുപ്പ്  എക്സിക്യൂട്ടീവ് എഞ്ചിനീയർ സി.ജെ കൃഷ്ണൻ ഉത്ഘാടനം ചെയ്തു. പ്രതിസന്ധികളോട് പടവെട്ടി ഉയർന്നു വന്ന് ഡോക്ടറേറ്റ് നേടിയ ഡോ.യു.ബാലകൃഷ്ണൻ ഗോത്രജനതയ്ക്ക് അഭിമാനവും മാതൃകയും വഴികാട്ടിയും ആണെന്ന് സി.ജെ കൃഷ്ണൻ പറഞ്ഞു.  കേരള സംസ്ഥാന ഏഴാം ധനകാര്യ കമ്മീഷൻ ഉപദേശകൻ ഡോക്ടർ കെ.കെ ഹരിക്കുറുപ്പ് ഉപഹാരങ്ങൾ വിതരണം ചെയ്തു.

സംസ്ഥാന സ്കൂൾ കലോത്സവത്തിൽ ഗസൽ, മാപ്പിളപാട്ട്, ഉർദു  പദ്യം ചൊല്ലൽ എന്നിവയിൽ ഏ ഗ്രേഡ് നേടിയ കുമാരി അഥീന മോഹൻ, പി.എസ്.സി പരീക്ഷയിൽ ഉന്നത വിജയത്തോടെ സർക്കാർ ജോലിയിൽ പ്രവേശിച്ച വിനിത മോഹൻ എന്നിവരെയും ആദരിച്ചു.

തുടി വൈസ് ചെയർമാൻ കൃഷ്ണൻ സി സ്വാഗതം പറഞ്ഞു.

മുൻ ചെയർമാൻ ജയചന്ദ്രൻ അധ്യക്ഷൻ ആയിരുന്നു. 

കള്ളാർ പഞ്ചായത്ത്‌ പതിനൊന്നാം വാർഡ് മെമ്പർ ബി.അജിത്കുമാർ, ശങ്കരൻ മുണ്ടമാണി, രാജു കൈതോട്, വിഷ്ണു ഗോപി എന്നിവർ സംസാരിച്ചു ജോയിന്റ് കൺവീനർ ചന്ദ്രൻ കായലടുക്കം നന്ദി പറഞ്ഞു. തുടർന്ന് മംഗലംകളി വിലയിരുത്തൽ ശിൽപശാലയും നടന്നു