35 വർഷത്തെ സേവനത്തിന് ശേഷം സർവീസിൽ നിന്നും വിരമിക്കുന്ന കുമ്പളപ്പള്ളി യു പി സ്കൂൾ പ്രധാനാധ്യാപകന് യാത്രയയപ്പ് നൽകി

കരിന്തളം:35 വർഷത്തെ സേവനത്തിനു ശേഷം   കുമ്പളപ്പള്ളി എസ് കെ ജി എം എ യു പി സ്കൂളിൽ നിന്നും വിരമിക്കുന്ന സ്കൂൾ പ്രധാന അധ്യാപകൻ കെ ജോളി ജോർജ്ജിന് സ്ക്കൂൾ പിടിഎ ,എം പി ടി എ ,മാനേജർ,സ്റ്റാഫ് എന്നിവർ ചേർന്ന് ഹൃദ്യമായ യാത്രയയപ്പ് നൽകി.പിടിഎ-എം പി ടി എ ,മാനേജർ ,സ്റ്റാഫ് എന്നിവരുടെ ഉപഹാരം ജോളിമാസ്റ്റർക്ക് നൽകി. പിടിഎ അംഗവും വിമുക്തഭടനുമായ ബിജു എ വി കൂടോൽ പൊന്നാടയണിയിച്ചു. പിടിഎ പ്രസിഡണ്ട് ടി സിദ്ദിഖ് അധ്യക്ഷത വഹിച്ചു.സ്കൂൾ മാനേജർ കെ വിശ്വനാഥൻ ,എം പി ടി എ പ്രസിഡണ്ട് സിന്ധു വിജയകുമാർ,പി ടി.എ വൈസ് പ്രസിഡണ്ട് വാസു കരിന്തളം,ഹെഡ്മാസ്റ്റർ ഇൻ ചാർജ് കെ പി ബൈജു,ബൈജു കൂലോത്ത്,ലോഹിതദാക്ഷൻ,കെ പ്രശാന്ത്,സുരേഷ് വരയിൽ എന്നിവർ സംസാരിച്ചു സീനിയർ അസിസ്റ്റൻറ് ഇന്ദുലേഖ പി വി സ്വാഗതവും സ്റ്റാഫ് സെക്രട്ടറി കെ ബിനു നന്ദിയും പറഞ്ഞു.