ആടുവളർത്തു കേന്ദ്രത്തിലെ ആട്ടിൻകുട്ടിയെ പെരുമ്പാമ്പ് വിഴുങ്ങി

പേരാവൂർ : കൊമ്മേരി ഗവ.ആടുവളർത്തു കേന്ദ്രത്തിലെ മൂന്നു മാസം പ്രായമുള്ള ആട്ടിൻകുട്ടിയെ പെരുമ്പാമ്പ് വിഴുങ്ങി. ആടുകളെ പാർപ്പിക്കുന്ന ഷെഡിനുള്ളിൽ കയറിയാണ് ആട്ടിൻകുട്ടിയെ പാമ്പ് വിഴുങ്ങിയത്. ചൊവ്വാഴ്ച രാവിലെ ഷെഡ് വൃത്തിയാക്കാനെത്തിയ ജീവനക്കാരാണ് പാമ്പിനെ കണ്ടത്. വിവരമറിയിച്ചതിനെത്തുടർന്ന് വനപാലകരെത്തി പാമ്പിനെ പിടികൂടി വനത്തിനുള്ളിൽ വിട്ടു.