തയ്യേനി ഗവൺമെന്റ് ഹൈസ്കൂളിൽ നിന്നും എസ് എസ് എൽ സി പരീക്ഷയിൽ മുഴുവൻ വിഷയത്തിലും എ പ്ലസ് നേടി മീനഞ്ചേരി ഉന്നതിയിലെ നവ്യ. പി ബി.യെ സിപിഐഎം തയ്യേനി ബ്രാഞ്ചിന്റെ ആഭിമുഖ്യത്തിൽ അനുമോദിച്ചു

ചിറ്റാരിക്കാൽ : തയ്യേനി ഗവൺമെന്റ് ഹൈസ്കൂളിൽ നിന്നും എസ് എസ് എൽ സി  പരീക്ഷയിൽ മുഴുവൻ വിഷയത്തിലും എ പ്ലസ് നേടി മീനഞ്ചേരി ഉന്നതിയിലെ നവ്യ. പി ബി.യെ സിപിഐഎം തയ്യേനി ബ്രാഞ്ചിന്റെ ആഭിമുഖ്യത്തിൽ അനുമോദിച്ചു. എം രാജഗോപാൽ എം എൽ എ അനുമോദന ചടങ്ങ്  നിർവഹിച്ചു . 

നവ്യയുടെ ഈ വിജയം മലയോരനാടിന് തന്നെ അഭിമാനമാണ്. ഒരു ട്യൂഷനുമില്ലാതെ സ്കൂളിൽ നിന്നുള്ള ക്ലാസും വീട്ടിലെ പരിമിതമായ സൗകര്യങ്ങളിലുള്ള സ്വന്തം പ്രയത്നവും കൊണ്ടാണ് നവ്യ ഈ അഭിമാനകരമായ വിജയത്തിലേക്ക് എത്തിയത്.  

തയ്യേനിയുടെ പരിസര പ്രദേശങ്ങളിൽ നിരവധി ഉന്നതികളുണ്ട്.  സ്കൂളിലേക്ക് വാഹന സൗകര്യമില്ലത്ത ഇത്തരം ഉന്നതികളിലെ വിദ്യാർത്ഥികൾക്ക്  ട്രൈബൽ ഡിപ്പാർട്ട്മെന്റിന്റെ  വിദ്യാവാഹിനി പദ്ധതിയിലൂടെ യാത്രാസൗകര്യം ഒരുക്കുന്നതും, മറ്റ് പഠന സഹായങ്ങൾ ലഭ്യമാക്കുന്നതും  ഇവിടങ്ങളിലെ പുതിയ തലമുറക്ക് ഏറെ സഹായകരമാണ്.