മയക്കുമരുന്ന് കേസുകളിൽ പ്രതിയായ ചെങ്കള ബാലടുക്ക സ്വദേശി മുഹമ്മദ് സലീൽ(41) നെ PITNDPS ആക്ട് പ്രകാരം അറസ്റ്റ് ചെയ്തു

കാസർഗോഡ് : PITNDPS ആക്ട് പ്രകാരം അഞ്ചാമത്തെയാൾ പിടിയിൽ.

 മയക്കുമരുന്ന് കേസുകളിൽ പ്രതിയായ ചെങ്കള ബാലടുക്ക സ്വദേശി മുഹമ്മദ് സലീൽ(41) നെ PITNDPS ആക്ട് പ്രകാരം അറസ്റ്റ് ചെയ്തു. വിദ്യാനഗർ ബദിയടുക്ക പോലീസ് സ്റ്റേഷനുകളിലായി മയക്കുമരുന്ന് കേസുകളിൽ പ്രതിയാണ് ഇയാൾ. സംസ്ഥാന സർക്കാർ ഒരു വർഷത്തേക്ക് തടവിൽ പാർപ്പിക്കാൻ ഉത്തരവിട്ട ഇയാളെ പൂജപ്പുര സെൻട്രൽ ജയിലിലേക്ക് മാറ്റും. ബദിയടുക്ക പോലീസ് സ്റ്റേഷനിൽ  83.89 ഗ്രാം MDMA വിൽപനക്കായി കൈവശം വെച്ചതിനും വിദ്യാനഗർ പോലീസ് സ്റ്റേഷൻ പരിധിയിൽ നിരോധിത ലഹരി ഉപയോഗിച്ചതിനും കേസുകളിൽ പ്രതിയാണ്. തുടർച്ചയായി ലഹരിക്കേസുകളിൽ ഉൾപ്പെട്ടവർക്കെതിരെ ചുമത്തുന്ന പ്രിവൻഷൻ ഓഫ് ഇല്ലിസിറ്റ് ട്രാഫ്ഫിക്ക് എൻ ഡി പി എസ് (PIT എൻ ഡി പി എസ്) നിയമപ്രകാരം ജില്ലയിലെ അഞ്ചാമത്തെയാളാണ് അറസ്റ്റ് ചെയ്യുന്നത് .

 ജില്ലാ പോലീസ് മേധാവി ശ്രീ. ബി വി വിജയ ഭരത് റെഡ്ഢി ഐ‌പി‌എസ് ന്റെ നിർദ്ദേശപ്രകാരം കാസറഗോഡ് ഡിവൈഎസ്പി മനോജ് വി വി (ഇൻചാർജ്) യുടെ മേൽനോട്ടത്തിൽ ബദിയടുക്ക പോലീസ് സ്റ്റേഷൻ സബ് ഇൻസ്‌പെക്ടർ അഖിൽ ടി യുടെ നേതൃത്വത്തിലാണ് പ്രതിയെ പിടികൂടിയത്.