കാസർകോട് നെല്ലിക്കുന്നിൽ കടലിൽ കുളിക്കാൻ ഇറങ്ങിയ യുവാവിനെ കാണാതായി

കാസർകോട്: നെല്ലിക്കുന്നിൽ കടലിൽ കുളിക്കാൻ ഇറങ്ങിയ യുവാവിനെ കാണാതായി. ഉത്തർപ്രദേശ്, കനോജ് ജില്ലയിലെ ബുൾബുലിയാപൂർ സ്വദേശി റാനു എന്ന ജയ് വീർസിംഗി (27) നെയാണ് കാണാതായത്. ബുധനാഴ്ച ഉച്ചയ്ക്ക് 2 മണിയോടെയാണ് സംഭവം. കൂട്ടുകാർക്കൊപ്പം കുളിക്കാൻ ഇറങ്ങിയപ്പോഴാണ് അപകടത്തിൽപ്പെട്ടത്. ബേക്കൽ തീരദേശ പൊലീസിന്റെ വിവരത്തെ തുടർന്ന് ഫയർഫോഴ്സും സ്ഥലത്തെത്തിയിരുന്നു. ഫിഷറീസിന്റെ റസ്ക്യൂ ബോട്ട് ബുധനാഴ്ച തിരച്ചിൽ നടത്തിയിരുന്നു. വ്യാഴാഴ്ചയും തിരച്ചിൽ നടത്തുന്നുണ്ട്.