വെള്ളരിക്കുണ്ട് കുടുംബാരോഗ്യ കേന്ദ്രത്തിൽ മുഴുവൻ സമയ ഡോക്ടർമാരെ നിയമിക്കണം ; കേരള വ്യാപാരി വ്യവസായി ഏകോപന സമിതി വെള്ളരിക്കുണ്ട് യൂണിറ്റ് വാർഷിക ജനറൽബോഡിയോഗം

വെള്ളരിക്കുണ്ട് : കേരള വ്യാപാരി വ്യവസായി ഏകോപന സമിതി വെള്ളരിക്കുണ്ട് യൂണിറ്റ്  വാർഷിക ജനറൽബോഡിയോഗം വെള്ളരിക്കുണ്ട് വ്യാപാര ഭവനിൽ നടന്നു . യൂണിറ്റ് പ്രസിഡന്റ് തോമസ് ചെറിയാൻ അധ്യക്ഷനായ യോഗം കെ വി വി ഇ എസ്  ജില്ലാ പ്രസിഡന്റ് കെ. അഹമ്മദ് ഷെരീഫ് ഉത്ഘാടനം ചെയ്തു .

കെ വി വി ഇ എസ് ജില്ലാ ജന. സെക്രട്ടറി കെ. ജെ. സജി മുഖ്യപ്രഭാഷണം നടത്തി . വെള്ളരിക്കുണ്ടിൽ അനുവദിച്ച മുൻസിഫ് മജിസ്ട്രേറ്റ് കോടതി വെള്ളരിക്കുണ്ടിൽതന്നെ ഉടൻ പ്രവർത്തനം ആരംഭിക്കണമെന്നും തദ്ദേശ സ്വയംഭരണ സ്ഥാപനങ്ങളുടെ ഫണ്ട് ഉപയോഗിച്ച് വെളളരിക്കുണ്ട് ടൗണിൽ സി.സി.ടി.വി. സ്ഥാപിക്കുന്നതിനുവേണ്ട നടപടികൾ സ്വീകരിക്കണമെന്നും മലയോരത്തെ എക ഗവ. ആതുരാലയമായ വെള്ളരിക്കുണ്ട് കുടുംബാരോഗ്യ കേന്ദ്രത്തിൽ മുഴുവൻ സമയ ഡോക്ടർമാരെ നിയമിക്കണമെന്നും കേരള വ്യാപാരി വ്യവസായി ഏകോപന സമിതി വെള്ളരിക്കുണ്ട് യൂണിറ്റിന്റെ വാർഷിക ജനറൽബോഡിയോഗം പ്രമേയത്തിലൂടെ ഭരണാധികാരികളോട് ആവശ്യപ്പെട്ടു.

ചടങ്ങിൽ ഉന്നത വിജയം നേടിയ വിദ്യാർത്ഥികളെ അനുമോദിച്ചു. യൂണിറ്റ് ജനറൽ സെക്രട്ടറി  ബാബു കല്ലറയ്ക്കൽ സ്വാഗതം പറഞ്ഞ യോഗത്തിൽ ആശംസകളുമായി തോമസ് കാനാട്ട് , മായാ രാജേഷ് , വിജയൻ കോട്ടയ്ക്കൽ , ബേബി പി.എം , സാം സെബാസ്റ്റ്യൻ , കുസുമം ബിനോയി , ഷോണി എം. ജോർജ്ജ് എന്നിവർ സംസാരിച്ചു .യൂണിറ്റ് ട്രഷറർ ഷാജി പി.വി നന്ദി പറഞ്ഞു .