ഡ്യൂട്ടിക്കിടെ ഹൃദയാഘാതം; കെഎസ്ആർടിസി ബസിൽ കുഴഞ്ഞുവീണ കണ്ടക്ടർ മരിച്ചു പാണത്തൂർ സ്വദേശിയാണ്

പാണത്തൂർ: പാണത്തൂർ ചിറംകടവ് സ്വദേശിയായ കെഎസ്ആർടിസി കണ്ടക്ടർ സുനീഷ് അബ്രഹാം നെഞ്ച് വേദനയെ തുടർന്ന് മരണപ്പെട്ടു. രാവിലെ പാണത്തൂരിൽ നിന്ന് കാഞ്ഞങ്ങാട്ടേയ്ക്ക് പോകുന്ന ബസ്സിലെ കണ്ടക്ടറായിരുന്നു. കോളിച്ചാൽ എത്തിയപ്പോൾ നെഞ്ച് വേദന അനുഭവപ്പെട്ടതിനെ തുടർന്ന് ബസ്സിലെ ഡ്രൈവറും, ബസിൽ യാത്ര ചെയ്തിരുന്ന പാണത്തൂരിലെ സാമൂഹ്യ പ്രവർത്തകൻ ഷിബു പാണത്തൂരും ചേർന്ന് ഇദ്ദേഹത്തെ മാലക്കല്ലിലെ സ്വകാര്യ ആശുപതിയിയിലും തുടർന്ന് മാവുങ്കാലിലെ സഞ്ജീവനി ആശുപത്രിയിലും എത്തിച്ചു. എന്നാൽ സഞ്ജി വനിയിൽ എത്തും മുമ്പേ മരണപ്പെട്ടിരുന്നു. മൃതദേഹം ജില്ലാ ആശുപത്രിയിലെ മോർച്ചറിയിലേക്ക് മാറ്റി.