ഹൊസങ്കടി- ആനക്കല്ല് റോഡിൽ ഓടിക്കൊണ്ടിരുന്ന വാഹനങ്ങൾക്ക് മുകളിലേയ്ക്ക് മരം പൊട്ടി വീണു

കാസർകോട്: മഞ്ചേശ്വരം, ഹൊസങ്കടി- ആനക്കല്ല് റോഡിൽ ഓടിക്കൊണ്ടിരുന്ന വാഹനങ്ങൾക്ക് മുകളിലേയ്ക്ക് മരം പൊട്ടി വീണു. പിക്കപ്പ് വാനിനും സ്കൂട്ടറിനും നാശം. ചൊവ്വാഴ്ച രാവിലെ ഹളസിനക്കട്ടെ എന്ന സ്ഥലത്താണ് അപകടം. ഹൊസങ്കടി ഭാഗത്തേയ്ക്ക് വരികയായിരുന്ന വാഹനങ്ങളാണ് അപകടത്തിൽപ്പെട്ടത്. ഭാഗ്യത്തിനു ആളപായം ഉണ്ടായില്ല. ഹൊസങ്കടി ആനക്കല്ല് റോഡിൽ വിവിധ സ്ഥലങ്ങളിൽ മരങ്ങൾ ഭീഷണി ഉയർത്തുന്നതായി യാത്രക്കാർക്ക് പരാതി ഉണ്ടായിരുന്നു. എന്നാൽ നടപടി ഉണ്ടാകാതിരുന്നതാണ് ഇപ്പോഴത്തെ അപകടത്തിനു ഇടയാക്കിയതെന്നു യാത്രക്കാർ പരാതിപ്പെട്ടു.