9.810ഗ്രാം എം ഡി എം എയുമായി യുവാവ് അറസ്റ്റിൽ.

കാസർകോട് : 9.810ഗ്രാം എം ഡി എം എയുമായി യുവാവ് അറസ്റ്റിൽ. ബംബ്രാണ, ദിഡുമ സ്വദേശി മുഹമ്മദ് നൗഫലി(27)നെയാണ് കുമ്പള എസ് ഐ കെ ശ്രീജേഷും സംഘവും അറസ്റ്റു ചെയ്തത്.

ഞായറാഴ്ച രാത്രി 7.25ന് നയബസാറിലാണ് മയക്കുമരുന്ന് പിടികൂടിയത്. എസ് ഐയും സംഘവും രാത്രികാല പട്രോളിംഗ് നടത്തുന്നതിനിടയിലാണ് മുഹമ്മദ് നൗഫലിനെ നയാബസാറിൽ റോഡരുകിൽ നിൽക്കുന്നത് കണ്ടത്. പൊലീസ് വാഹനം കണ്ട് ഇയാൾ പരുങ്ങുന്നത് ശ്രദ്ധയിൽപ്പെട്ടു. സംശയം തോന്നി പരിശോധിച്ചപ്പോഴാണ് മയക്കുമരുന്ന് കണ്ടെത്തിയതെന്നു പൊലീസ് പറഞ്ഞു. സീനിയർ സിവിൽ പൊലീസ് ഓഫീസർ ജിനേശ്, സിവിൽ പൊലീസ് ഓഫീസർ നവീൻ, ഡ്രൈവർ അജേഷ് എന്നിവരും പൊലീസ് സംഘത്തിൽ ഉണ്ടായിരുന്നു.