പയ്യന്നൂരിൽ സ്കൂട്ടറിൽ പിക്കപ്പ് വാനിടിച്ച് തൃക്കരിപ്പൂർ സ്വദേശിയായ യുവാവ് മരിച്ചു

പയ്യന്നൂർ: പയ്യന്നൂരിൽ സ്കൂട്ടറിൽ പിക്കപ്പ് വാനിടിച്ച് തൃക്കരിപ്പൂർ സ്വദേശിയായ യുവാവ് മരിച്ചു. തൃക്കരിപ്പൂർ സൗത്ത് കക്കുന്നം സ്വദേശി കുഞ്ഞിക്കണ്ണന്റെ മകൻ സുകേഷ്(38) ആണ് മരിച്ചത്. ഞായറാഴ്ച രാത്രി 11.45ഓടെ പയ്യന്നൂർ മിനാബസാറിൽ വച്ചാണ് അപകടം. സുഹൃത്തിനൊപ്പം സ്കൂട്ടറിൽ തൃക്കരിപ്പൂരിലെ വീട്ടിലേക്ക് വരികയായിരുന്നു സുകേഷ്. പിക്കപ്പ് സ്കൂട്ടറിൽ ഇടിച്ച് റോഡിലേക്ക് തെറിച്ചുവീണ സുകേഷിനെ ഉടൻ പരിയാരം കണ്ണൂർ ഗവ. മെഡിക്കൽ കോളേജ് ആശുപത്രിയിലെത്തിച്ചെങ്കിലും രക്ഷിക്കാനായില്ല. പോസ്റ്റുമോർട്ടത്തിന് ശേഷം തിങ്കളാഴ്ച ഉച്ചയോടെ മൃതദേഹം ബന്ധുക്കൾക്ക് വിട്ടു നൽകും. സഹോദരൻ ടിവി രതീഷ്.