അഴീക്കോടന്‍ പുരസ്‌കാരം ഡോ. എ.സി. പത്മനാഭന്‍ ഏറ്റുവാങ്ങി

കാഞ്ഞങ്ങാട് : അജാനൂരിന്റെ കലാ, കായിക, രാഷ്ട്രീയ, സാംസ്കാരിക, വിദ്യാഭ്യാസ,കാരുണ്യ മേഖലകളിൽ തനതായ വ്യക്തിമുദ്ര പതിപ്പിച്ച വെള്ളിക്കോത്ത് അഴീക്കോടൻ സ്മാരക ആർട്സ് ആൻഡ് സ്പോർട്സ് ക്ലബ്ബിന്റെ നേതൃത്വത്തിൽ അഴീക്കോടൻ ദിനാചരണവും അഴീക്കോടൻ പുരസ്കാര വിതരണവും സംഘടിപ്പിച്ചു. സി എച്ച് കുഞ്ഞമ്പു എംഎൽഎ അഴീക്കോടൻ ദിനാചരണ പരിപാടികൾ ഉദ്ഘാടനം ചെയ്തു. ഇത്തവണത്തെ അഴീക്കോടൻ സ്മാരക പുരസ്കാരം വൈദ്യശാസ്ത്ര മേഖലയിൽ തന്റേതായ കയ്യൊപ്പ് ചാർത്തിയ ഡോക്ടർ എ.സി. പത്മനാഭന് ചടങ്ങിൽ വച്ച് എം.എൽ.എ സമർപ്പിച്ചു. ചടങ്ങിൽ വച്ച് ഫ്ലവേഴ്സ് ടോപ്പ് സിംഗറിലൂടെ നാടിന്റെ അഭിമാനമായ വൈദേഹി വിനോദിനെ എം.എൽ.എ ഉപഹാരം നൽകി അനുമോദിച്ചു.ക്ലബ്ബ് പ്രസിഡന്റ് ദാമോദരൻ ആലി ങ്കാൽ അധ്യക്ഷത വഹിച്ചു. സിപിഐഎം കാഞ്ഞങ്ങാട് ഏരിയ കമ്മിറ്റി അംഗങ്ങളായ എം. പൊക്ലൻ, ശിവജി വെള്ളിക്കോത്ത്, വി. ഗിനിഷ്, അജാനൂർ ലോക്കൽ സെക്രട്ടറി വി.വി.തുളസി, ഡോ: സി. ബാലൻ, കെ കൃഷ്ണൻ മാസ്റ്റർ, എം.ബാലകൃഷ്ണൻ, കെ രാധാകൃഷ്ണൻ, സി. എം. സൈനബ, പ്രവീണ ടീച്ചർ എന്നിവർ സംസാരിച്ചു. അഴീക്കോടൻ ദിനാചരണത്തിന്റെ ഭാഗമായി സംഘടിപ്പിച്ച മത്സര പരിപാടികളിൽ വിജയികളായവർക്ക് എം. പൊക്ലൻ സമ്മാനദാനം നടത്തി.ക്ലബ്ബ് ട്രഷറർ ബാലകൃഷ്ണൻ മാസ്റ്റർ സ്വാഗതം പറഞ്ഞു. തുടർന്ന് ശിങ്കാരി മേളം, കൈകൊട്ടിക്കളി, ഫ്യൂഷൻ ഡാൻസ്, കോൽക്കളി, ഒപ്പന തിരുവാതിര, അറബിക് ഡാൻസ് തുടങ്ങിയ കലാപരിപാടികൾ അരങ്ങേറി.