മിനി വാനിൽ മണൽ കടത്തിയ 2 പേരെ കുമ്പള പോലീസ് പിടികൂടി

കാസർഗോഡ് : കേരള മാരിടൈം ബോർഡിൻറെ അധീനതയിലുള്ള ഷിറിയ അഴിമുഖത്ത് നിന്നും ഒമിനി വാനിൽ മണൽ കടത്തിയ 2 പേരെ കുമ്പള പോലീസ് പിടികൂടി. ആരിക്കാടി സ്വദേശി മൻസൂർ അലി(40) പെർവാഡ് കടപ്പുറം സ്വദേശി മുഹമ്മദ് ഷാഫി (25 ) എന്നിവരാണ് പിടിയിലായത് . 

ഷിറിയ അഴിമുഖത്തു നിന്നും മണൽ ചാക്കിൽ നിറച്ച് തോണിയിൽ ആരിക്കാടി കടവത്ത് എത്തിച്ച് ഒമിനി വാനിൽ കയറ്റി കൊണ്ടുപോകാൻ ശ്രമിച്ചപ്പോഴാണ് ഇരുവരും വാഹനമുൾപ്പെടെ പിടിയിലായത്. സർക്കാർ മുതലുകൾ കവർച്ച ചെയ്തതിന് 305(ഇ) BNS പ്രകാരമാണ് അറസ്റ്റ്. കോടതിയിൽ ഹാജരാക്കിയ ഇരുവരെയും റിമാൻഡ് ചെയ്തു. 

ജില്ലാ പോലീസ് മേധാവി ശ്രീ. ബി.വി വിജയ ഭരത് റെഡ്‌ഡി ഐപിഎസ് ന്റെ നിർദ്ദേശ പ്രകാരം മണൽ മാഫിയക്ക് കടിഞ്ഞാൺ ഇടാൻ നടത്തിവരുന്ന  പരിശാധനയിലാണ് മണൽ കടത്ത് സംഘം പിടിയിലായത്. കാസറഗോഡ് എഎസ്പി ഡോ നന്ദഗോപൻ എം ന്റെ മേൽനോട്ടത്തിൽ കുമ്പള ഇൻസ്‌പെക്ടർ ജിജേഷ് പി കെ, എസ് ഐ ശ്രീജേഷ്, SCPO ചന്ദ്രൻ, ഡ്രൈവർ CPO അജീഷ് എന്നിവർ ചേർന്നാണ് പ്രതികളെ പിടികൂടിയത്.