മാവുങ്കാൽ വ്യാപാര സ്ഥാപനത്തിന്റെ ചുമർ കുത്തി തുരന്ന് ഒന്നര ക്വിന്റൽ കുരുമുളക് കവർന്നു

മാവുങ്കാൽ വ്യാപാര സ്ഥാപനത്തിന്റെ ചുമർ കുത്തി തുരന്ന് ഒന്നര ക്വിന്റൽ കുരുമുളക് കവർന്നു. മാവുങ്കാൽ പ്രവർത്തിക്കുന്ന ആര്യദുർഗ ട്രേഡേഴ്സിന്റെ ചുമർ തുരന്നാണ് മോഷണം നടന്നത്. ഷട്ടറിന്റെ പുട്ടു പൊളിക്കാൻ ശ്രമം നടത്തിയെങ്കിലും ഇത് വിജയിക്കാത്തതിനെ തുടർന്നാണ് ചുമർ തുരന്നത് എന്ന് കരുതുന്നു. ഇന്ന് രാവിലെയാണ് കവർച്ച വിവരം അറിയുന്നത് . ഹോസ്ദുർഗ് പോലീസ് സ്ഥലത്തെത്തി പരിശോധന നടത്തി. സമീപത്ത് നിന്നായി ചുമർ തുരക്കാൻ ഉപയോഗിച്ച പികാസ് പോലീസ് കണ്ടെടുത്തു. സ്ഥാപന ഉടമ ഗുരുദത്ത് പൈയുടെ പരാതിയിൽ ഹോസ്ദുർഗ് പോലീസ് കേസെടുത്ത് അന്വേഷണം ആരംഭിച്ചു. നഷ്ടപ്പെട്ട കുരുമുളകിന് ഒരു ലക്ഷത്തോളം രൂപ വില വരും.