മഡിയന്‍ കൂലോം ക്ഷേത്ര ഭണ്ഡാരങ്ങള്‍ കുത്തി തുറന്ന് കവര്‍ച്ച

മഡിയന്‍ കൂലോം ക്ഷേത്ര ഭണ്ഡാരങ്ങള്‍ കുത്തിതുറന്ന് കവര്‍ച്ച. ക്ഷേത്രത്തിന്റെ കിഴക്ക് ഭാഗം നടവഴിയില്‍ സ്ഥാപിച്ചിട്ടുള്ള രണ്ട് ഭണ്ഡാരങ്ങള്‍ കുത്തി തുറന്ന നിലയിലാണ്. ചൊവ്വാഴ്ച രാവിലെയാണ് കവര്‍ച്ച നടന്നതായി അറിയുന്നത്. കുത്തി തുറന്നതില്‍ ഒന്ന് വലുതും രണ്ടാമത്തെത് ചെറിയ സ്റ്റീല്‍ ഭണ്ഡാരവുമാണ്. കഴിഞ്ഞ ദിവസം ക്ഷേത്രത്തില്‍ പാട്ടുത്സവമായിരുന്നു. അതുകൊണ്ട് തന്നെ ഭണ്ഡാരത്തില്‍ വലിയ പണം ഉണ്ടാകുമെന്ന് കരുതി കവര്‍ച്ചാ സംഘം കുത്തി തുറന്നതാകാമെന്നാണ് കരുതുന്നത്. എന്നാല്‍ പാട്ടുത്സവത്തിന് ശേഷം ഭണ്ഡാരത്തിലെ പണം എടുത്തിരുന്നതായി ബന്ധപ്പെട്ടവര്‍ പറഞ്ഞു. രണ്ട് ദിവസത്തെ പണമാണ് നഷ്ടപ്പെട്ടത്. ക്ഷേത്ര ഭാരവാഹികളുടെ പരാതിയില്‍ ഹോസ്ദുര്‍ഗ് പൊലീസ് അന്വേഷണം ആരംഭിച്ചു.