അഖിൽ ജോയന്റെ മൃതദേഹം നാട്ടിലെത്തിക്കാൻ നടപടികൾ ഊർജിതം ; ഡി.എൻ.എ പരിശോധന ഉൾപ്പെടെയുള്ള നടപടികൾ വിലയിരുത്തി

വെള്ളരിക്കുണ്ട് : വിദേശത്ത് മരണപ്പെട്ട അഖിൽ ജോയന്റെ മൃതദേഹം തിരിച്ചറിഞ്ഞ് നാട്ടിലെത്തിക്കുന്നതിനുള്ള തുടർനടപടികൾ വിലയിരുത്തുന്നതിനായി ബളാൽ ഗ്രാമപഞ്ചായത്ത് വൈസ് പ്രസിഡന്റ് രാജു കട്ടക്കയവും വെള്ളരിക്കുണ്ട് തഹസിൽദാർ കെ. ബി. രാമുവും വെള്ളരിക്കുണ്ട് പോലീസ് സ്റ്റേഷനിലെത്തി.
മൃതദേഹം തിരിച്ചറിയുന്നതിനാവശ്യമായ ഡി.എൻ.എ പരിശോധന ഉൾപ്പെടെയുള്ള നടപടിക്രമങ്ങളും തുടർ നിയമനടപടികളും സംബന്ധിച്ച് ഉദ്യോഗസ്ഥരുമായി ചർച്ച നടത്തി. മൃതദേഹം എത്രയും വേഗം നാട്ടിലെത്തിക്കുന്നതിനുള്ള നടപടികൾ ഏകോപിപ്പിച്ചുവരികയാണെന്ന് ബന്ധപ്പെട്ടവർ അറിയിച്ചു.