പുതുവർഷ സമ്മാനമായി ഇരിട്ടി - മൈസൂർ പാതയിലെ കൂട്ടുപുഴ പാലം ജനുവരി ഒന്നിന് ഗതാഗതത്തിന് തുറക്കും
ഇരിട്ടി: ഇരിട്ടി - മൈസൂർ അന്തര് സംസ്ഥാന പാതയിലെ കേരള- കര്ണാടക അതിര്ത്തിയായ കൂട്ടുപുഴയില് കെ.എസ്.ടി.പി റോഡ് പദ്ധതിയില് ഉള്പ്പെടുത്തി കേരളം പണിയുന്ന പുതിയ പാലം പുതുവര്ഷ ദിനത്തില് ഗതാഗതത്തിന് തുറന്നു കൊടുക്കും. പുതിയ പാലത്തിന്റെ ഉപരിതല ടാറിംഗ് മാത്രമാണ് ഇനി അവശേഷിക്കുന്നത്.
ഇരിട്ടി പൊതുമരാമത്ത് വകുപ്പ് റസ്റ്റ് ഹൗസില് സണ്ണി ജോസഫ് എംഎല്എയുടെ അധ്യക്ഷതയില് ജനപ്രതിനിധികളുടെയും വകുപ്പ് പ്രതിനിധികളുടെയും അവലോകന യോഗത്തിലാണ് പാലം തുറന്നുനല്കുന്ന കാര്യം തീരുമാനിച്ചത്. നിരവധി പ്രതിബന്ധങ്ങള് തരണം ചെയ്താണ് പാലം നിര്മാണം മുന്നോട്ടുപോയത്.
2018 സെപ്റ്റംബറില് പൂര്ത്തിയാക്കേണ്ട പാലത്തിന്റെ നിര്മാണം കര്ണാടകയുടെ എതിര്പ്പ് മൂലം നീണ്ടുപോകുകയായിരുന്നു. മൂന്നു വര്ഷം മുടങ്ങിക്കിടന്നതും പിന്നാലെ വന്ന കോവിഡ് ലോക്ഡൗണും മൂലം നിര്മാണം വന് പ്രതിസന്ധിയിലൂടെയാണ് കടന്നുപോയത്.
No comments