'ലഹരിക്കെതിരെ കൂടെയുണ്ട്': കിനാനൂർ കരിന്തളം പുലയനടുക്കത്ത് ലഹരി വിരുദ്ധ ബോധവൽക്കരണ ക്ലാസ് നടത്തി വെള്ളരിക്കുണ്ട് എസ്.ഐ വിജയകുമാർ എം.പി ഉദ്ഘാടനം ചെയ്തു

വെള്ളരിക്കുണ്ട്: വെള്ളരിക്കുണ്ട് ജനമൈത്രി പോലീസ്,  നീലേശ്വരം എക്സൈസ് റെയ്ഞ്ച് ഓഫീസ്സ്, കിനാനൂർ-കരിന്തളം ഗ്രാമ പഞ്ചായത്ത് എന്നിവയുടെ നേതൃത്വത്തിൽ 'ലഹരിക്കെതിരെ കൂടെയുണ്ട്' ലഹരി വിരുദ്ധ ബോധവൽക്കരണ ക്ലാസ് നടത്തി. പുലയനടുക്കം സുബ്രഹ്മണ്യൻ കോവിൽ ഓഡിറ്റോറിയത്തിൽ വെച്ച് നടന്ന ക്ലാസ്സ് പതിനൊന്നാം വാർഡ് മെമ്പർ ചിത്രലേഖയുടെ അധ്യക്ഷതയിൽ വെള്ളരിക്കുണ്ട് എസ് ഐ  വിജയകുമാർ എം പി  ഉദ്ഘാടനം ചെയ്തു. കാസർകോട് പോലീസ് സ്റ്റേഷൻ സീനിയർ സിവിൽ പോലീസ് ഓഫീസർ മധു,സിവിൽ എക്സൈസ് ഓഫീസർസജിത്ത് എന്നിവർ വിഷയാവതരണം നടത്തി. എഡിഎസ് പ്രസിഡണ്ട്,സെക്രട്ടറി കുഞ്ഞുമാണി,ഓമന , ജനമൈത്രീ ബീറ്റ് ഓഫീസ്സർമാരായ ഷിജിത്ത്, അനൂപ്,എന്നിവർ സംസാരിച്ചു. കുട്ടികൾ അടക്കം മാരകമായ ലഹരി മരുന്നുകൾക്ക്  അടിമയാകുന്നു എന്ന് മനസ്സിലാക്കിയതിന്റെ അടിസ്ഥാനത്തിൽ ആണ് കാഞ്ഞങ്ങാട് ഡിവൈഎസ്പി ഡോ വി.ബാലകൃഷ്ണന്റെ നേതൃത്വത്തിൽ ലഹരിക്കെതിരെ പോലീസ് കൂടെയുണ്ട് എന്ന കാമ്പയിൻ എല്ലാ വാർഡുകളിലും നടത്തുന്നത്.