കാഞ്ഞങ്ങാട് നഗരസഭ കാര്യാലയത്തിൽ വിജിലൻസ് പരിശോധന നടത്തി
കാഞ്ഞങ്ങാട്: നഗരസഭ കാര്യാലയത്തില് വിജിലന്സ് പരിശോധന. കെട്ടിട വിഭാഗത്തിലാണ് കാസര്കോട് വിജിലന്സ് ഇന്സ്പെക്ടര് സിബി തോമസിന്റെ നേതൃത്വത്തില് പരിശോധന നടന്നത്.
രാവിലെ 11 മുതല് വൈകീട്ട് അഞ്ചു വരെ പരിശോധന തുടര്ന്നു.
തദ്ദേശ സ്ഥാപനങ്ങളില് സംസ്ഥാന വ്യാപകമായി നടന്ന പരിശോധനയുടെ ഭാഗമായാണ് കാഞ്ഞങ്ങാട്ടും പരിശോധന നടന്നത്. 30ലേറെ കെട്ടിടങ്ങളുടെ രേഖകള് പരിശോധിച്ചതായി വിജിലന്സ് ഉദ്യോഗസ്ഥര് അറിയിച്ചു. അഞ്ച് കെട്ടിട സമുച്ചയങ്ങളില് കൃത്രിമം നടന്നതായി പ്രാഥമിക പരിശോധനയില് വ്യക്തമായി.പാര്ക്കിങ് ഏരിയ ഇല്ലാതെ ഒരു കെട്ടിട സമുച്ചയം പണിതതായി കണ്ടെത്തി. മുഴുവന് രേഖകളും പരിശോധിക്കാനായില്ല.
ശരിയായ നിര്മാണ പെര്മിറ്റില്ലാതെ കെട്ടിട നിര്മാണം പൂര്ത്തിയാക്കിയിട്ടുണ്ടെന്നും സൂചനയുണ്ട്. വ്യാപക ചട്ടലംഘനം കണ്ടെത്തിയതോടെ നടപടി സ്വീകരിക്കാന് സംസ്ഥാന വിജിലന്സ് ഡയറക്ടര്ക്ക് ശിപാര്ശ നല്കി. തദ്ദേശ സ്ഥാപനങ്ങളില് ക്രമക്കേട് കണ്ടെത്തുന്ന പ്രത്യേക വിജിലന്സ് സംഘത്തോട് കാഞ്ഞങ്ങാട് നഗരസഭയിലെ മുഴുവന് കെട്ടിട രേഖകളും പരിശോധിക്കാന് ജില്ല വിജിലന്സ് ഉദ്യോഗസ്ഥര് നിര്ദേശം നല്കും.
No comments