പതിനഞ്ചുകാരിയെ പീഡിപ്പിച്ച പിതാവിനെ മേൽപ്പറമ്പ പോലീസ് അറസ്റ്റ് ചെയ്തു

കാസർഗോഡ് : പതിനഞ്ചുകാരിയായ മകളെ നാലു വര്‍ഷക്കാലമായി നിരന്തരം പീഡിപ്പിച്ചു വരികയായിരുന്ന പിതാവിനെ മേല്‍പ്പറമ്പ്  പൊലീസ് പോസോ കേസില്‍ അറസ്റ്റു ചെയ്തു. നാല്‍പ്പതുകാരനാണ്  പിടിയിലായത്. ഇയാള്‍ക്കെതിരെ ഇന്ത്യന്‍ ശിക്ഷാ നിയമം 376, 376(2), (എഫ്), ( എന്‍),  376 (3) , (376) (എ ), (ബി) , 354 ( ബി), 75 (ജെ) തുടങ്ങിയ വകുപ്പുകളാണ് ചുമത്തിയത്. 11-ാം വയസിലാണ് പെണ്‍കുട്ടി പീഡനത്തിനു ഇരയായത്. എന്നാല്‍ ഭയം കാരണം കുട്ടി വിവരം ആരോടും പറഞ്ഞിരുന്നില്ല. കഴിഞ്ഞ ദിവസം സ്‌കൂളില്‍ നടന്ന കൗണ്‍സിലിംഗിനിടയിലാണ് പെണ്‍കുട്ടി തന്റെ ദുരനുഭവം വ്യക്തമാക്കിയത്. വിവരം സ്‌കൂള്‍ അധികൃതര്‍ മേല്‍പ്പറമ്പ് പൊലീസിനെ അറിയിക്കുകയായിരുന്നു. തുടര്‍ന്നാണ് പിതാവിനെ അറസ്റ്റ് ചെയ്തത്.