കോടോം-ബേളൂർ പഞ്ചായത്തിലെ മുട്ടിച്ചരലിൽ നിർമ്മിച്ച കരുതൽ വീടിന്റെ താക്കോൽ ദാനം നിർവ്വഹിച്ചു

കോടോം-ബേളൂര്‍ ഗ്രാമ പഞ്ചായത്ത് 19-ാം വാര്‍ഡ് ലൈഫ് ഭവന പദ്ധതിയില്‍ ഉള്‍പ്പെടുത്തി മുട്ടിച്ചരലിലെ ബീഫാത്തിമയ്ക്കായി നിര്‍മ്മിച്ച കരുതല്‍ വീട് കൈമാറി. മണ്ഡലം എംഎല്‍എ ഇ.ചന്ദ്രശേഖരന്‍ വീടിന്റെ താക്കോല്‍ ദാനം നിര്‍വ്വഹിച്ചു. ലൈഫ് ഭവനപദ്ധതിയിൽ അനുവദിച്ച വീടിൻ്റെ നിർമ്മാണം വാർഡ് വികസന സമിതിയുടെ നേതൃത്വത്തിലാണ് നിർമ്മിച്ചു നൽകിയത്. പഞ്ചായത്ത് പ്രസിഡൻ്റ് പി.ശ്രീജ അദ്ധ്യക്ഷത വഹിച്ചു. ലൈഫ് ഭവന പദ്ധതയിൽ വീടു ലഭിച്ചവർക്ക് നിർമ്മിക്കാൻ 50 സെൻ്റ് സ്ഥലം പഞ്ചായത്തിനു വിട്ടു നൽകുന്നതിനുള്ള

 സമ്മതപത്രം സുകുമാരൻ കുമ്പള എം.എൽ എ യ്ക്ക് നൽകി. സ്ഥലം നൽകിയ സുകുമാരൻ കുമ്പള, വീടിൻ്റെ നിർമ്മാണ പ്രവർത്തികൾ നടത്തിയ ബഷീർ മുട്ടിച്ചരൽ എന്നിവർക്കുള്ള ഉപഹാരവും എം.എൽ.എ നൽകി.

 കോടോംബേളൂർ ഗ്രാമപഞ്ചായത്തിൽ 5 ഘട്ടങ്ങളിലായി 663 വീടുകൾ നിലവിൽ കരാർ വെച്ചു.403 വീടുകളുടെ പണി പൂർത്തീകരിച്ചു. ലൈഫ് ആദ്യഘട്ടം 39 വീടുകൾ രണ്ടാം ഘട്ടം 197, SC/ST അഡീഷണൽ 263 വീടുകൾ ലൈഫ് 2020-164 വീടുകൾ എന്നിങ്ങനെയാണ് പൂർത്തീകരിച്ചത്. PMAY  67 വീടുകളുടെ റജിസ്ടേഷനും പൂർത്തീകരിച്ചിട്ടുണ്ട്.

ചടങ്ങിൽ പഞ്ചായത്ത് വി.ഇ.ഒ രമ്യ റിപ്പോർട്ട് അവതരിപ്പിച്ചു.ബ്ലോക്ക് പഞ്ചായത്ത് വികസന സ്റ്റാൻഡിംഗ് കമ്മിറ്റി ചെയർപേഴ്സൺ രജനികൃഷ്ണൻ, പഞ്ചായത്ത് ആരോഗ്യ വിദ്യഭ്യാസ സ്റ്റാൻഡിംഗ് കമ്മിറ്റി ചെയർപേഴ്സൺ ജയശ്രീ എൻ .എസ്സ്, പഞ്ചായത്ത് മെമ്പർ മാരായ നിഷ അനന്ദൻ, കെ.എം.കുഞ്ഞികൃഷ്ണൻ, CDS വൈ.ചെയർപേഴ്സൺ പി.എൽ.ഉഷ, ADS സെക്രട്ടറി ടി.കെ.കലാ രഞ്ജിനി, ഹരിതസേന കൺസോർഷ്യം പ്രസിഡൻറ് രജിത പവിത്രൻ, പഞ്ചായത്ത് ഹെഡ് ക്ലാർക്ക് മധുസൂദനൻ , ടി.കെ.രാമചന്ദ്രൻ ,ശാസ്ത ഗംഗാധരൻ, എന്നിവർ സംസാരിച്ചു.വാർഡ് മെമ്പറും വൈ. പ്രസിഡൻ്റുമായ പി.ദാമോദരൻ സ്വാഗതവും വാർഡ്‌ കൺവീനർ പി.ജയകുമാർ നന്ദിയും പറഞ്ഞു.