കളനാട് ദേളിയിൽ വീട്ടിൽ സൂക്ഷിച്ചിരുന്ന 68.317 ഗ്രാം മെത്താ ഫിറ്റമിൻ മയക്കുമരുന്നുമായി യുവാവ് അറസ്റ്റിൽ

കാസർകോട് : കളനാട് വില്ലേജിലെ ദേളി, കുന്നുപാറയിൽ വീട്ടിൽ സൂക്ഷിച്ചിരുന്ന 68.317 ഗ്രാം മെത്താ ഫിറ്റമിൻ മയക്കുമരുന്നുമായി യുവാവ് അറസ്റ്റിൽ. മുഹമ്മദ് റെയ്സ് ആണ് അറസ്റ്റിലായത്. 40000 രൂപ, രണ്ട് മൊബൈൽ ഫോണുകൾ, ആധാർ കാർഡ് എന്നിവയും പിടികൂടി. ഇയാൾ നേരത്തെ മയക്കുമരുന്നുമായി പിടിയിലായിട്ടുണ്ടെന്ന് എക്സൈസ് അധികൃതർ പറഞ്ഞു. കാസർകോട് എക്സൈസ് സ്പെഷ്യൽ സ്ക്വാഡ് സർക്കിൾ ഇൻസ്പെക്ടർ കെ.എസ്.പ്രശോഭ് ഇൻസ്പെക്ടർ സി കെ വി സുരേഷ് പ്രിവന്റീവ് ഓഫീസർമാരായ സോനു, സെബാസ്റ്റ്യൻ, അതുൽ, ധന്യ, ഡ്രൈവർ സജീഷ് എന്നിവരും ഉണ്ടായിരുന്നു.