ഓൺലൈൻ പാർട്ട്ടൈം ജോലി വാഗ്ദാനം ചെയ്ത് യുവാവിന്റെ 14,08,835 രൂപ തട്ടിയെടുത്തതായി പരാതി

പൊയിനാച്ചി : ഓൺലൈൻ പാർട്ട്ടൈം ജോലി വാഗ്ദാനം ചെയ്ത് യുവാവിന്റെ 14,08,835 രൂപ തട്ടിയെടുത്തതായി പരാതി. ചെമ്പരിക്കയിലെ 32-കാരന്റെ പരാതിയിൽ മേൽപ്പറമ്പ് പോലീസ് കേസെടുത്തു.ഡിസംബർ 25 മുതൽ ജനുവരി 16 വരെയാണ് വിവിധ ബാങ്ക് അക്കൗണ്ടുകളിലേക്ക് പണം കൈമാറിയത്. പിന്നീട് ചതി വ്യക്തമായപ്പോൾ ക്രൈം പോർട്ടിൽ പരാതി രജിസ്റ്റർ ചെയ്തെങ്കിലും പണം തിരികെ കിട്ടാതായതോടെയാണ് കഴിഞ്ഞദിവസം മേൽപ്പറമ്പ് പോലീസിനെ സമീപിക്കുകയായിരുന്നു.