സുള്ള്യ നടുഗല്ലുവിൽ അമ്മയും മകനും എലിവിഷം കഴിച്ച് ആത്മഹത്യയ്ക്ക് ശ്രമിച്ചു മകൻ മരിച്ചു

സുള്ള്യ: സുള്ള്യ നൽകൂർ, നടുഗല്ലുവിൽ അമ്മയും മകനും എലിവിഷം കഴിച്ച് ആത്മഹത്യയ്ക്ക് ശ്രമിച്ചു. മകൻ മരിച്ചു. മാതാവ് ഗുരുതരനിലയിൽ ആശുപ്രതിയിൽ. ദേരപ്പജനമനെയിലെ കുശാല ഗൗഡയുടെ മകൻ നിതിൻ (32) ആണ് മരിച്ചത്. മാതാവ് സുലോചന ആശുപ്രതിയിലാണ്.
ഐ ടി ഐ ബിരുദധാരിയായ നിതിൻ സ്വന്തം ഭൂമിയിൽ കൃഷി ചെയ്തു വരുകയായിരുന്നു. ഒരു വർഷം മുമ്പാണ് പ്രാദേശിക കോളേജിലെ ഗസ്റ്റ് ലക്ചററായ ദീക്ഷയെ വിവാഹം കഴിച്ചത്. ഭാര്യ കഴിഞ്ഞ ദിവസം സ്വന്തം വീട്ടിലേയ്ക്ക് പോയിരുന്നു. ഈ സമയത്താണ് അമ്മയും മകനും വിഷം കഴിച്ചത്. എന്തിനാണ് ഇരുവരും വിഷം കഴിച്ചതെന്നു വ്യക്തമല്ല. പിതാവ് കുശാലപ്പഗൗഡയ്ക്ക് ചില ആരോഗ്യ പ്രശ്നങ്ങൾ ഉള്ളതൊഴിച്ചാൽ മറ്റു പ്രശ്നങ്ങളൊന്നും റിതിനും മാതാവിനും ഇല്ലെന്നാണ് ബന്ധുക്കൾ പറയുന്നത്. ഗുരുതരാവസ്ഥയിൽ കഴിയുന്ന സുലോചന ജീവിതത്തിലേയ്ക്ക് തിരിച്ചെത്തിയാൽ മാത്രമേ വിഷം കഴിക്കാൻ ഇടയാക്കിയ കാരണം എന്താണെന്നു വ്യക്തമാവുകയുള്ളൂവെന്ന് പൊലീസ് പറഞ്ഞു. സുബ്രഹ്മണ്യ പൊലീസ് കേസെടുത്ത് അന്വേഷിക്കുന്നു.